Home / جاگو پاکستان / الیکشن میں عوام کا فیصلہ سر آنکھوں پر ہو گا: وزیراعظم

الیکشن میں عوام کا فیصلہ سر آنکھوں پر ہو گا: وزیراعظم

پشاور: وزیر اعظم شاہد خاقان عباسی نے کہا ہے کہ انقلاب باتوں اور دعوؤں سے نہیں بلکہ کام کرنے سے آتا ہے اور مسلم لیگ ن کی حکومت کام کرکے دکھایا ہے۔

وزیراعظم شاہد خاقان عباسی کا اینکوبیشن سینٹر کی افتتاحی تقریب سے خطاب کرتے ہوئے کہنا تھا کہ چار پانچ ماہ بعد الیکشن میں عوام کا جو بھی فیصلہ آیا سر آنکھوں پر ہو گا، ہم کام کریں گے تو آگے بڑھیں گے ورنہ گھر جائيں گے۔

انہوں نے کہا کہ ہر پاکستانی کو تیز رفتار انٹرنیٹ کی سہولت فراہم کی جائے گی، آنے والے وقت میں پورا پاکستان ڈیجیٹل سہولیات کے ساتھ کام کرے گا جس سے روزگار کے مواقع بڑھیں گے۔

ان کا کہنا تھا کہ براڈ بینڈ انٹرنیٹ مستقبل کی ضرورت ہے۔

قبائلی علاقوں میں پائیدار ترقی کے لیے براڈ بینڈ کی فراہمی کا معاہدہ

وزیراعظم شاہد خاقان عباسی کااینکوبیشن سینٹر کو سراہتے ہوئے کہنا تھا کہ ہم امید کرتے ہیں کہ ادارہ سنگ میل ثابت ہوگا۔

ان کا کہنا تھا کہ نیشنل اینکوبیشن سینٹر کا یہ منصوبہ نوجوانوں کی ضرویات اور مستقبل کی ضروریات کو پورا کرتا ہے۔

انہوں نے بتایا کہ حکومت نے براڈ بینڈ کی فراہمی پر اربوں روپے خرچ کیے ہیں یہی وجہ ہے یہی وجہ ہے کہ آج مہمند ایجنسی پوری دنیا سے رابطے میں ہیں۔

انہوں نے کہا کہ مسلم لیگ ن کی حکومت سے قبل تھری جی اور فور جی کے لائسنسوں کی نیلامی پر پیسے بنانے کی کوشش کی جا رہی تھی مگر ان کی حکومت نے تھری جی اور فور جی کے لائسنس شفاف طریقے سے دیے۔

Check Also

ھارت اسرائیل گٹھ جوڑ کے باوجود اپنا دفاع کر سکتے ہیں، خواجہ آصف

وزیر خارجہ خواجہ آصف نے بھارت اور اسرائیل کے درمیان ہونے والے معاہدوں کو اسلام …

Leave a Reply

Your email address will not be published. Required fields are marked *