عریشہ رضی کس کی بہترین دوست بننا چاہتی ہیں؟ اداکارہ نے بتا دیا

پاکستانی اداکارہ عریشہ رضی نے بتا دیا کہ وہ کس کی بہترین دوست بننے کی خوائش رکھتی ہیں۔

اداکارہ عریشہ رضی نے فوٹو اینڈ ویڈیو شیئرنگ ایپ انسٹاگرام پر اپنی ایک تصویر پوسٹ کی ہے جس میں ان کے ساتھ ان کی بھانجی موجود ہے۔

عریشہ رضی کی جانب سے پوسٹ کی جانے والی تصویر کی کیپشن میں اداکرہ  نے لکھا کہ وہ اپنی بھانجی ’مرحا‘ کی ناصرف خالہ بلکہ بہترین دوست بھی بننا چاہتی ہیں۔

دوسری جانب عریشہ رضی نے اپنی بہن سارہ رضی کی بیٹی ’مرحا‘ کے ہمراہ کچھ نئی اور دلکش تصویریں پوسٹ کی ہیں جن میں اداکارہ اور اُن کی بھانجی ایک جیسے لباس میں ملبوس ہیں۔

تصاویر میں دیکھا جا سکتا ہے کہ اداکارہ عریشہ رضی اپنی بھانجی کو گود میں اُٹھائے اُنہیں پیشانی پر بوسہ دیتی نظر آرہی ہیں۔

عریشہ رضی نے اپنی پوسٹ کے کیپشن میں اپنی بھانجی سے مخاطب ہوتے ہوئے لکھا کہ ’انشاءاللّہ جب آپ بڑی ہوجاؤں گی اور یہ تصویر دیکھوں گی تو میں آپ کو بتاؤں گی کہ میں صرف آپ کی خالہ نہیں بلکہ میں آپ کی بہترین دوست بھی بننا چاہتی ہوں۔‘

اداکارہ نے لکھا کہ ’میں آپ کی وہ دوست بننا چاہوں گی جس سے آپ اپنے تمام راز شیئر کرسکیں گی۔‘

عریشہ رضی نے لکھا کہ ’میں آپ کو ہر بہترین مشورہ دینے کی کوشش کروں گی۔‘

اختتام میں انُہوں نے لکھا کہ ’میں آپ سے اتنا پیار کرتی ہوں کہ آپ اس کی پیمائش نہیں کرسکتی ہیں۔‘

واضح رہے کہ اس سے قبل بھی عریشہ رضی نے انسٹاگرام پر اپنی بھانجی کے ساتھ کچھ تصویریں پوسٹ کی تھیں جن میں عریشہ رضی گلابی رنگ کے لباس میں ملبوس تھیں جبکہ اُن کی بھانجی نے خوبصورت فراک پہنی ہوئی تھی۔