سری نگر:
کشمیر میڈیا سروس کے مطابق جنت نظیر وادی کے ضلع پلوامہ میں جارحیت پسند بھارتی فوج نے سرچ آپریشن کے نام پر چادر و چار دیواری کے تقدس کو پامال کیا اور داخلی و خارجی راستوں کو بند کرکے مریضوں کو بھی جانے کی اجازت نہیں دی گئی۔
قابض بھارتی فوج نے اسی پر بس نہیں کیا بلکہ اندھا دھند فائرنگ کرکے ایک نوجوان کو شہید کردیا، لواحقین اپنے پیارے کی لاش کے لیے منتیں کرتے رہے لیکن بنیادی انسانی حقوق کی پامالی کرتے ہوئے بھارتی فوج نے لاش حوالے کرنے سے انکار کردیا۔
واضح رہے کہ مقبوضہ کشمیر میں بھارتی فوج نے اپنی جارحانہ کارروائیوں کا سلسلہ تیز کر دیا ہے اور بنیادی انسانی حقوق معطل ہیں، گزشتہ ماہ 54 نوجوانوں کو شہید کیا گیا تھا۔