وزیراعظم آج ایک روزہ دورہ پر کراچی پہنچیں گے

کراچی: 

وزیر اعظم عمران خان آج ایک روزہ دورہ پر کراچی پہنچیں گے جس میں وہ شوکت خانم اسپتال کی فنڈ ریزنگ افطار ڈنر میں بھی شریک ہوں گے۔

اطلاعات کے مطابق وزیراعظم عمران خان آج جمعہ کو ایک روزہ دورہ سندھ پر کراچی جائیں گے جہاں وہ  صنعت کاروں،عمائدین شہر اور سیاسی جماعتوں کے رہنماؤں سے بھی ملاقاتیں کریں گے۔

عمران خان سہ پہر کو کراچی پہنچیں گے بعدازاں وہ شوکت خانم اسپتال کے فنڈ ریزنگ افطار ڈنرمیں شرکت کریں گے جہاں اسپتال کے لیے ریکارڈ کروڑوں روپے کے عطیات کی توقع ہے۔

وزیراعظم خان گڑھ میں وفاقی وزیرعلی محمد مہر کےانتقال پر اہل خانہ سے تعزیت بھی کریں گے بعدازاں  کل شب کراچی سے واپس روانہ ہوجائیں گے۔