Jago Times "Urdu Edition" Best Online Newspaper
چیئرمین پاکستان کرکٹ بورڈ محسن نقوی نے قذافی اسٹیڈیم لاہور میں اپ گریڈیشن کے لیے جاری کاموں کا جائزہ لیا اور کام کی رفتار کو تیز کرنے کا حکم دیا۔
پی سی بی چیئرمین محسن نقوی نے رات گئے کام بند ہونے پر ناراضگی کا اظہار کیا اور 24 گھنٹے کام کرنے کا کہا۔
چیئرمین پی سی بی کا کہنا تھا کہ 24/7 کام کرکے ہی اس بڑے پراجیکٹ کو وقت پر مکمل کیا جاسکتا ہے۔
انہوں نے اسٹیڈیم کی مرکزی عمارت کے نیچے پائپ پھٹنے کے باعث جمع پانی کی جلد نکاسی کو یقینی بنانے کی ہدایت کی۔
محسن نقوی نے کہا کہ چیمپئنز ٹرافی ٹورنامنٹ سے قبل اسٹیڈیم کی اپ گریڈیشن کا کام مکمل کرنے کے لیے مزید وسائل بروئے کار لانے کی ضرورت ہے۔
چیئرمین پی سی بی نے جاری کاموں کا معائنہ کیا اور ضروری ہدایات دیں، اس موقع پر ان کے ہمراہ ڈائریکٹر انٹرنیشنل کرکٹ اور جنرل منیجر انفراسٹرکچر بھی موجود تھے۔