اداکارہ میرا کا ایک اور مبینہ فراڈ سامنے آگیا

لولی ووڈ کی معروف اداکارہ میرا کا ایک اور مبینہ فراڈ سامنے آگیا۔

تفصیلات کے مطابق اداکارہ میرا حیدرآباد میں شو آرگنائزر کے ایک لاکھ روپے اور کپڑے لے کر فرار ہوگئیں۔

میرا نے 6 نومبر کو حیدرآباد میں ایک شو میں شرکت کرنا تھی۔ شو میں شرکت کے لیے میرا کو ایڈوانس ایک لاکھ روپے اور چند ملبوسات دیے گئے تھے۔

شو آرگنائزر سلیم گڈو نے میرا کے فراڈ سے پردا اٹھاتے ہوئے کہا کہ   اداکارہ میرا کو ہم نے 6 نومبر ایک ایونٹ کے لیے بلایا تھا۔  میرا شو سے چند روز قبل ہی ایک لاکھ روہے اور کپڑے لے کر لاہور فرار ہوگئیں۔

شو آرگنائزر نے مزید بتایا کہ  شو نہ ہونے کی وجہ سے مجھے 6 لاکھ کا نقصان ہوا ہے۔ حکام سے اپیل ہے کہ میرا نقصان پورا کروایا جائے۔

میرا کی ویڈیو بھی سامنے آگئی جس کی  وہ شو میں شرکت کی یقین دہانی کروارہی ہیں۔