بس کنڈیکٹروں کی درگت بنانے والی خاتون گرفتار

بھارتی حیدرآباد کے حیات آباد بس ڈپو سے تعلق رکھنے والے دو کنڈیکٹروں پر حملہ کرکے زخمی کرنے والی خاتون کو پولیس نے حراست میں لے لیا۔

غیر ملکی ذرائع ابلاغ کے مطابق خاتون کی شناخت عنبر پیٹ کی رہنے والی سید ثمینہ کے طور پر کی گئی ہے۔ پولیس نے خاتون کو گرفتار کرکے عدالت میں پیش کیا، عدالت نے خاتون کو 14 دن تک کیلئے ریمانڈ پر دے دیا۔

ٹی ایس آر ٹی سی کے ایم ڈی وی سی سجنار نے قانونی کارروائی کرنے پر پولیس کا خصوصی شکریہ ادا کیا۔

واضح رہے کہ کچھ دنوں قبل پیش آئے واقعے میں خاتون مسافر نے کنڈیکٹر کو ٹکٹ لینے کے لئے بڑا نوٹ دیا، جس پر کنڈیکٹر نے خاتون سے درخواست کی کہ یہ اس کا پہلا ٹرپ ہے اور اس کے پاس کھلے پیسے نہیں ہیں، جس پر خاتون غصے میں آگئی اور کنڈیکٹر پر تشدد شروع کردیا۔

Female passenger assaults and abuses conductor – Watch the video of the incident in Hyderabad pic.twitter.com/y6oI5z374v

— urduleaks news (@UrduleaksN87793) January 31, 2024

آر ٹی سی بس انتظامیہ نے موقف اپنایا تھا کہ اگر اس طرح کے واقعات کا ارتکاب ان کے عملے کے خلاف ہوتا ہے جو عزم کے ساتھ اپنے فرائض کو مستعدی سے انجام دے رہے ہیں تو انہیں ہر گز نظر انداز نہیں کیا جائے گا۔