ٹیم کی جیت میں کردار ادا کرنے پر خوش ہوں، محمد حفیظ

لاہور: 

لاہور میں میڈیا سے بات کرتے ہوئے قومی ٹیم کے سابق کپتان محمد حفیظ نے کہا کہ میرے پاس پاکستان کی فتح میں کردار ادا کرنے کا اچھا موقع تھا، میچ جتوانے کی خوشی ہے ، جو کمی ہے اسے پورا کرنے کی کوشش کررہا ہوں،  میں وائٹ بال کرکٹ کھیلنا چاہتا تھا اور جوں ہی موقع ملا میں نے پرفارم کیا۔

محمد حفیظ کا کہنا تھا کہ میں نے ٹیم انتظامیہ اور آفیشلز سے کو پیش کش کی تھی کہ اگر میری جگہ نہیں بنتی تو بتادیں، اگر معاملات پر سینئر کھلاڑیوں کو اعتماد میں لے لیا جائے تو معاملات بہتر ہوجاتے ہیں، پہلے میچ میں شعیب ملک کی عمدہ کارکردگی پر بہت خوشی ہوئی اور دوسرے میچ میں کامیابی میں اپنا کردار ادا کرنے پر بے حد خوش ہوں۔