Jago Times "Urdu Edition" Best Online Newspaper
نئی دہلی: بھارتی ریاست بہار میں پاکستان کے حق میں نعرہ لگانے پر 5 افراد کو گرفتارکرلیا گیا۔
بھارتی میڈیا کے مطابق یہ واقعہ ریاست بہار میں بھوج پور کے گاؤں چندی میں پیش آیا جہاں چند افراد کے ایک گروپ نے بیڈمنٹن مقابلے میں جیت کے بعد پاکستان زندہ باد کے نعرے لگائے جس کی ویڈیو سوشل میڈیا پر سامنے آنے کے بعد ان کے خلاف ریاست مخالف مقدمہ درج کیا گیا۔
ویڈیو میں دیکھا جاسکتا ہے کہ دو افراد نے فتح کے بعد ٹرافی تھامی ہوئی تھی اور کچھ افراد پاکستان زندہ باد کے نعرے لگارہے تھے۔
یہ ویڈیو بھارت میں آگ کی طرح پھیل گئی جس کے بعد علاقے کے کچھ مشتعل افراد نے انہیں گھر لیا اور تشدد کا نشانا بھی بنایا ساتھ بھی انہیں پاکستان کے خلاف نعرہ لگانے پر مجبور کیا۔