مودی کے ہندوستان میں تعلیمی درسگاہیں بھی ہندؤ انتہا پسندی سے غیرمحفوظ

اتر پردیش : بھارتی ریاست اتر پردیش میں مسلمان بچے کو بغیر سبق یاد نہ کرنے پر ہندو ٹیچر نے نفسیاتی تشدد کا نشانہ بنایا اورکہا تمام مسلمان بچوں کو یہ اسکول چھوڑ دینا چاہیئے۔

تفصیلات کے مطابق مودی کے ہندوستان میں تعلیمی درسگاہیں بھی ہندؤ انتہا پسندی سے غیرمحفوظ ہیں ، بھارتی ریاست اترپردیش کے پرائمری اسکول کی ہندو استانی کے مسلمان بچے سے شرمناک سلوک کی ویڈیو سوشل میڈیا پروائرل ہوگئی ۔

ضلع مظفر نگر کے نیہا پبلک اسکول میں سات سالہ محمد التمش کو بغیرسبق یادنہ کرنے پر ہندو ٹیچر نے نفسیاتی تشدد کا نشانہ بنایا، کلاس ٹیچر ترپتا تیاگی نے کلاس کے باقی بچوں کو محمد التمش کو باری باری تھپڑ مارنے اور تمام مسلمان بچوں کو یہ اسکول چھوڑ دینے کا کہا۔

ویڈیو میں کسی مرد کو کہتے سنا جا رہا ہے کہ ٹھیک کہہ رہی ہیں، انہوں نے ہمارا تعلیمی نظام تباہ کر دیا ہے، ہندؤ ٹیچر نے کلاس کے باقی بچوں کو 7سالہ التمش کو زورزور سے تھپڑ مارنے کا بھی کہا کہ آرام آرام سے کیوں مار رہے ہو ، زورسے مارو۔

محمد التمش کےوالدارشاد نے کہا شرمناک واقعہ مسلمانوں کےخلاف پھیلائی گئی نفرت کا نتیجہ ہے۔

ویڈیووائرل ہونے پر یوگی سرکار ہندو استانی کو بچانے کیلئے سرگرم ہوگئی، پولیس نے تمام سوشل میڈیا صارفین کو ویڈیو ہٹانے کا حکم دےدیا اور کہا کہ خلاف ورزی پرقانونی کارروائی کی جائےگی۔