جیت کا ارادہ نہ دکھانا اور نہ لڑنا برا ہے، شاہد آفریدی

پاکستان کرکٹ ٹیم کے سابق کپتان شاہد آفریدی نے پاک بھارت میچ کے نتیجے پر اظہار خیال کیا ہے۔

سوشل میڈیا پر شاہد آفریدی نے لکھا کہ جیت اور ہار مقابلے کا حصہ ہے لیکن جیتنے کا ارادہ نہ دکھانا اور نہ لڑنا یہ خراب ہے۔

شاہد آفریدی نے پاکستان ٹیم کے کھلاڑیوں کے لیے لکھا کہ آپ لوگ اگلے میچ میں اس سے بہتر کارکردگی دکھا سکتے ہیں۔

انہوں نے بھارتی بیٹرز کی تعریف کرتے ہوئے مزید لکھا کہ بھارت نے تمام شعبوں میں بہترین کھیلا۔

واضح رہے کہ گزشتہ روز ایشیا کپ کے میچ میں بھارت نے پاکستان کو 228 رنز سے شکست دی تھی جبکہ اسی ٹورنامنٹ میں دونوں ٹیموں کے درمیان کھیلا گیا پہلا میچ بارش کے باعث مکمل نہیں ہوسکا تھا۔