Jago Times "Urdu Edition" Best Online Newspaper
ریاض: سعودی شہزادہ ممدودح بن سعود بن عبدالعزیز آل سعود رضائے الٰہی سے انتقال کرگئے۔
سعودی عرب کے ایوان شاہی سے جاری کردہ بیان کے مطابق شہزادہ ممدوح بن سعود بن عبدالعزیز آل سعود دار فانی سے کوچ کرگئے۔
شہزادہ ممدوح بن سعود کی نماز جنازہ کل بروز بدھ 21 فروری کو ریاض کی جامع الامام ترکی بن عبداللہ نماز عصر کے بعد ادا کی جائے گی۔
شہزادہ ممدوح بن سعود کے انتقال پر ایوان شاہی نے تعزیت کا اظہار کرتے ہوئے ان کے درجات کی بلندی کے لیے دعا کی۔
واضح رہے کہ گزشتہ برس ستمبر میں سعودی شہزادہ خالد بن محمد بن عبداللہ آل عبدالرحمان آل سعود انتقال کرگئے تھے۔
ان کی نماز جنازہ ریاض کی امام ترکی بن عبداللہ جامع مسجد میں ادا کی گئی تھی۔