Jago Times "Urdu Edition" Best Online Newspaper
غزہ میں نصر میڈیکل کمپلیکس سے اجتماعی قبروں کی دریافت پر اسلامی تعاون تنظیم نے اسرائیل کے خوفناک جرائم کی مذمت کی ہے۔
عرب میڈیا کے مطابق اسلامی تعاون تنظیم (او آئی سی) نے اسرائیلی جنگی جرائم کی تحقیقات کا مطالبہ کیا ہے۔
عرب میڈیا کے مطابق او آئی سی نے کہا سیکڑوں بے گھر، زخمی، بیمار فلسطینیوں اور طبی عملے کے افراد کو تشدد کر کے قتل کیا گیا۔
او آئی سی نے کہا کہ سیکڑوں فلسطینیوں کو قتل کرکے اجتماعی قبروں میں دفنا دیا گیا۔
اسلامی تعاون تنظیم نے کہا اسرائیل کے جنگی جرائم، انسانیت کیخلاف جرائم اور منظم ریاستی دہشت گردی کی تحقیقات کی جائیں۔
اسلامی تعاون تنظیم نے کہا بین الاقوامی جرائم کی عدالت اورعالمی عدالت انصاف اپنی ذمہ داریاں ادا کریں۔
واضح رہے کہ عرب میڈیا کا کہنا ہے کہ اسرائیلی فوج کے خان یونس سے انخلا کے بعد نصر اسپتال میں اجتماعی قبروں سے 283 لاشیں ملی ہیں۔