پاکستان کرکٹ بورڈ (پی سی بی) نے آئی سی سی انڈر 19 کرکٹ ورلڈ کپ کے لیے قومی انڈر نائنٹین کرکٹ ٹیم کی کٹ کی رونمائی کردی ہیں جہاں ‘ہوم’ اور ‘اوے’ دو کٹ کی رونمائی کی گئی۔
قومی انڈر نائنٹین کھلاڑیوں نے نئی کٹ کے ساتھ قذافی اسٹیڈیم لاہور میں تصاویر بھی بنوائیں ہے۔
مزید پڑھیں: انڈر 19 ورلڈ کپ کیلئے پاکستانی اسکواڈ کا اعلان
قومی ٹیم کی انڈر19 ورلڈ کپ کی کٹ گزشتہ سال ورلڈ کپ میں قومی سینئر ٹیم کی کٹ سے مشابہت رکھتی ہے جو سبز رنگ کی ہے اور اس پر سفید رنگ سے کھلاڑیوں کے نام درج ہیں۔
ورلڈ کپ کے لیے پاکستان کی ہوم اور اوے دو کٹ جاری کی گئی ہیں اور اوے میچوں کی کٹ پیلے اور ہرے رنگ کی ہے جس میں شرٹ پر پیلے رنگ کا امتزاج نمایاں ہے۔
Ready to take the world on!#WeHaveWeWill #U19CWC #PakistanFutureStars
پاکستان کی ٹی20 ٹیم کے کپتان بابر اعظم نے ورلڈ کپ میں شرکت کرنے والے کھلاڑیوں کو مبارکباد پیش کرتے ہوئے کہا کہ وہ پاکستان کا ستارہ فخر سے سینے پر سجائیں اور اپنا بہترین کھیل پیش کریں۔
پاکستان کی ٹیم عالمی کپ کے گروپ ‘سی’ میں موجود ہے جہاں وہ 19جنوری کو اسکاٹ لینڈ کے خلاف میچ سے ایونٹ میں اپنی مہم کا آغاز کرے گی۔
Ready to take the world on!
Presenting the home kit of Pakistan U19 team for the @ICC #U19CWC 2020
#PakistanFutureStars
اس کے بعد پاکستانی ٹیم اگلا میچ 22 جنوری کو زمبابوے اور پھر گروپ کا آخری میچ 24 جنوری کو بنگلہ دیش کے خلاف کھیلے گی۔
یہ بھی پڑھیں: کیا عمر کے تنازع کے باعث نسیم شاہ کو انڈر 19 ورلڈ کپ اسکواڈ سے باہر کیا گیا؟
آئی سی سی انڈر نائنٹین کرکٹ ورلڈ کپ 17 جنوری سے 9 فروری تک جنوبی افریقہ میں کھیلا جائے گا جس میں قومی ٹیم کی قیادت روہیل نذیر کریں گے۔
گروپ مرحلے کے بعد ہر گروپ سے دو بہترین ٹیمیں سپر لیگ مرحلے کے لیے کوالیفائی کر لیں گی جبکہ بقیہ ٹیمیں پلیٹ چیمپیئن شپ میں شرکت کریں گی۔
Pakistan Cricket✔@TheRealPCB
Ready to take the world on!
Presenting the home kit of Pakistan U19 team for the @ICC #U19CWC 2020
#PakistanFutureStars
Green and Gold
The away kit of Pakistan U19 team for the @ICC #U19CWC 2020
#PakistanFutureStars
سپر لیگ مرحلے کی چار بہترین ٹیمیں سیمی فائنل میں جگہ بنائیں گی اور سیمی فائنل کی فاتح ٹیمیں 9 فروری کو ٹائٹل کے لیے مدمقابل ہوں گی۔
انڈر 19 ورلڈ کپ کے لیے پاکستان کا اسکواڈ ان کھلاڑیوں پر مشتمل ہے۔
روہیل نذیر(کپتان)، حیدر علی، عبدالواحد بنگلزئی، محمد شہزاد، محمد حارث، محمد ہریرہ، محمد عرفان خان، عباس آفریدی، فہد منیر، قاسم اکرم، عامر علی، عارش علی خان، عامر خان، محمد وسیم جونیئر اور طاہر حسین۔