کینیڈین وزیراعظم کا عالمی وبا کی دوسری لہر کا باضابطہ اعلان

کینیڈین وزیر اعظم جسٹن ٹروڈو نے اپنی عوام کو خبردار کرتے ہوئے ملک میں عالمی وبا کورونا وائرس کی دوسری لہر کا باضابطہ طور پر اعلان کردیا ہے۔

بین الاقوامی ذرائع ابلاغ کے مطابق قوم سے خطاب میں وزیراعظم جسٹن ٹروڈو نے کہا کہ وہ جانتے ہیں کہ ہم میں سے کوئی بھی یہ خبر سننا نہیں چاہتا، لیکن ہم سب مل کر کورونا وائرس کی دوسری لہر کو کنٹرول کرنے کی طاقت رکھتے ہیں۔

انھوں نے مزید کہا کہ کینیڈا کے لوگوں میں طاقت ہے کہ وہ وبائی مرض کو ایک مرتبہ پھر پھیلنے سے روک سکیں۔