پاکستانی اداکارہ ثناء عسکری نے شوٹنگ کے دوران جنات دیکھنے کا انکشاف کیا ہے۔
حال ہی میں اداکارہ نے نجی ٹی وی چینل کے ایک پروگرام میں شرکت کی ۔
شو کے دوران ثناء عسکری نے بتایا کہ ایک ڈراؤنے ڈرامے کی شوٹنگ کے دوران انہوں نے سیٹ پر خوفناک اور عجیب و غریب حرکات محسوس کی تھیں۔
انہوں نے بتایا کہ سیٹ پر کبھی چیزیں گرتیں، کبھی دروازے کی گھنٹی بجتی لیکن باہر کوئی نہیں ہوتا تھا تو کبھی خوفناک شکلیں نظر آتی تھیں۔
اداکارہ نے بتایا کہ شوٹنگ کے دوران ایسا بھی ہوتا تھا کہ اجنبی لوگ نظر آتے تھے جس پر خوف سے بُرا حال ہو جاتا تھا، کچھ سمجھ ہی نہیں آتا تھا کہ کیا ہو رہا ہے اور اس کے پیچھے کون ہے، ان سب چیزوں کی وجہ سے کافی دن تک طبیعت بھی خراب رہی تھی۔