جنوبی افریقی ویمنز کرکٹ ٹیم آج پاکستان سے واپس روانہ ہوگی

جنوبی افریقا کی خواتین کرکٹ ٹیم واپس روانگی کے لیے کراچی کے ہوٹل سے ایئرپورٹ روانہ ہوگئی۔

مہمان ٹیم کے ساتھ پاکستان ویمنز کرکٹ ٹیم بھی لاہور جانے کے لیے ہوٹل سے ایئرپورٹ روانہ ہوئی۔

جنوبی افریقی ٹیم کراچی سے براستہ دبئی جوہانسبرگ روانہ ہوگی۔

یاد رہے کہ دونوں ٹیموں کے درمیان ٹی ٹوئنٹی اور ون ڈے میچز کی سیریز کھیلی گئی تھی۔

3 ٹی ٹوئنٹی میچز کی سیریز پاکستان ویمنز ٹیم نے ندا ڈار کی قیادت میں تین صفر سے جیتی تھی جبکہ آئی سی سی ویمنز چیمپئن شپ کے 3 میچوں کی سیریز جنوبی افریقا نے دو ایک سے جیتی تھی۔