ٹورنٹو: بھارت نژاد کینیڈین شاعرہ اور فنکارہ روپی کور نے اسرائیل کی حمایت پر بائیڈن انتظامیہ کی دیوالی کی تقریب میں شرکت سے انکار کردیا۔
سماجی رابطے کی ویب سائٹ پر روپی کور نے لکھا کہ انہیں حیرت ہے کہ فلسطینیوں پر جاری مظالم کی حمایت کے باوجود بائیڈن انتظامیہ دیوالی منارہی ہے۔
انہوں نے مزید لکھا وہ ہر ایسی دعوت کو مسترد کرتی ہیں جس میں عام لوگوں کو بے رحمی سے مارنے والوں کی حمایت کی گئی ہو۔
I received an invite from the Biden administration for a Diwali event being held by the VP on nov 8. I decline any invitation from an institution that supports the collective punishment of a trapped civilian population—50% of whom are children. pic.twitter.com/J3V5om89Se
— rupi kaur (@rupikaur_) November 6, 2023
کینیڈین شاعرہ نے جنوبی ایشیا کی دیگر شخصیات پر بھی زور دیا کہ وہ بائیڈن کی تقریب میں شرکت نہ کریں اور امریکی صدر سے غزہ میں مرنے والے ہزاروں افراد کا حساب مانگا جائے۔
ان کا مزید کہنا تھا بائیڈن انتظامیہ کی طرف سے جنگ بندی سے انکار کرنے کی وجہ سے روزانہ مظلوم فلسطینی موت کے منھ میں جارہے ہیں اور اس پر ہمیں خاموش نہیں رہنا چاہئے۔