غزہ میں اسرائیلی فوج کی معصوم شہریوں کو نشانہ بنانے کی ایک اور کارروائی کیمرے میں قید ہوگئی۔
غزہ شہر میں محفوظ قرار دیے گئے علاقے میں انسانیت دشمن اسرائیلی اسنائپر نے غیر مسلح اور ہاتھوں میں سفید پرچم تھامے فلسطینی شہریوں پر فائرنگ کی، جس کے نتیجے میں ایک فلسطینی شہید ہوگیا۔
شہید ہونے والا شخص گھر میں رہ جانے والے دیگر افراد کو نکالنے کیلئے واپس جا رہا تھا۔
فائرنگ سے قبل گروپ کے ایک شخص نے برطانوی چینل کو انٹرویو بھی دیا تھا۔