’ووٹ لازمی کاسٹ کرو‘، تابش ہاشمی کی عوام سے اپیل

پاکستان کے معروف میزبان و کا میڈین تابش ہاشمی نے عوام کو ووٹ کی اہمیت بتاتے ہوئے ایک ویڈیو جاری کی ہے۔

تابش ہاشمی نے اپنے سوشل میڈیا پلیٹ فارم کے ذریعے پاکستانی شہریوں پر زور دیتے ہوئے کہاکہ وہ 8 فروری کو ہونے والے عام انتخابات 2024 میں اپنے ووٹ کا حق لازمی استعمال کریں۔

ویڈیو پیغام میں تابش نے کہاکہ کہ ان دنوں سننے میں آ رہا ہے کہ کئی لوگ کہہ رہے ہیں کہ ہم ووٹ دینے نہیں جائیں گے کیونکہ ہمارے ووٹ سے کیا ہوگا، جسے جیتنا ہوگا وہ ویسے بھی جیت جائے گا، یہ سوچ رکھنے والے سن لیں کہ آپ ووٹ کاسٹ کریں تاکہ جو بھی ہیرا پھیری کرنے کی کوشش کرے تو اسے بہت مشکل پیش آئے کہ اس قدر ووٹرز میں کیسے غلط عمل کروں۔

ویڈیو دیکھیں:

View this post on Instagram

A post shared by Tabish Ahmed Hashmi (@tabishhashmi)

نامور کامیڈین نے کہاکہ جو لوگ یہ سوچ رہے ہیں کہ میں خود تو امریکا میں بیٹھا نصحیت کر رہا ہوں تو سن لیں کہ الیکشن سے 1 دن پہلے میں پاکستان آجاؤں گا۔

انہوں نے مداحوں سے کہا اگر کسی نے پولنگ کی تفصیلات چیک نہیں کیں تو وہ آج ہی ایس ایم ایس کے ذریعے میسج کرکے معلومات حاصل کریں۔

تابش ہاشمی نے کہا کہ اپنے انتخابی حلقے اور اپنے پولنگ اسٹیشن کی تفصیلات حاصل کرنے کے لیے اپنے شناختی کارڈ نمبر کے ساتھ 8300 پر میسج کریں اور ووٹ ڈالیں۔