بھارتی گلوکار سونو نگم نے 2017 میں سماجی رابطے کی ویب سائٹ ٹوئٹر پر اذان کی آواز کے حوالے سے متنازع بیان دیا تھا جس پر گلوکار کو شدید تنقید کا نشانہ بنایا گیا اور انہوں نے اپنا ٹوئٹر اکاؤنٹ بھی بند کردیا تھا۔
اور اب ایک مرتبہ پھر سونم نگم کو اپنی ماضی میں کی گئی ان ہی ٹوئٹس پر ایک مرتبہ پھر تنقید کا سامنا ہے کیوں کہ وہ ہر گزرتے دن کے ساتھ تیزی سے پھیلتی وبا کورونا وائرس کی وجہ سے بھارت میں نہیں بلکہ دبئی میں مقیم ہیں۔
#Thankyou FaceBook Memories
.
Sonu Nigam tweeted this 3 years ago today.
” And today the condition is such that Sonu Nigam has to listen to the Azan five times every day.
سماجی رابطے کی ویب سائٹ ٹوئٹر پر صارفین کی جانب سے بھارتی گلوکار کا بائیکاٹ کرنے کی ٹوئٹس سامنے آرہی ہیں جبکہ کئی افراد نے انہیں یہ کہہ کر بھی تنقید کا نشانہ بنایا کہ کیا دبئی میں انہیں اذان کی آواز سے مسئلہ پیش نہیں آرہا؟
2017 میں سونو نگم نے اپنی ٹوئٹ میں لکھا تھا کہ ‘خدا آپ سب کا بھلا کرے، میں مسلمان نہیں ہوں اور مجھے اذان کی آواز سن کر صبح اٹھنا پڑتا ہے، انڈیا میں مذہبی زبردستی کب ختم ہو گی’۔
مزید پڑھیں: پاکستان میں پیدائش کی خواہش نہیں کی، سونو نگم
اب کئی روز سے گلوکار کی وہی ٹوئٹ دوبارہ ٹرینڈ کرنے لگی، جس کے بعد کئی صارفین نے دبئی پولیس کو بھی ٹیگ کردیا اور درخواست کی کہ گلوکار کے خلاف سخت ایکشن لیا جائے۔
@DubaiPoliceHQ@alnassar_kw@AlGhurair98
Hi
Please take action against the singer @sonunigam pic.twitter.com/K7Hf307R62
گل نیوز کی رپورٹ کے مطابق سونو نگم کا بیٹا دبئی میں اپنی تعلیم مکمل کررہا ہے جس کے اصرار پر سونم نگم ان دنوں بھارت کے بجائے دبئی میں ہی مقیم ہیں۔
رپورٹ میں مزید بتایا گیا کہ ان کا بیٹا نہیں چاہتا کہ ایسے وقت میں سونو نگم بھارت جاکر رہیں۔
یہی وجہ ہے کہ ٹوئٹر پر لوگ گلوکار کو ان کی 2017 میں کی گئی ٹوئٹ یاد دلا رہے ہیں۔
#SonuNigam not disturbed by Azaan in Dubai
only have a problem in India only?
اس حوالے سے دیے گئے ایک انٹرویو میں گلوکار نے کہا تھا کہ ’میں نے ٹوئٹر چھوڑنے کا فیصلہ اس لیے کیا کیوں کہ وہاں کوئی بھی کسی کے بھی بارے میں کچھ بھی کہہ سکتا ہے اور اس کے خلاف کوئی کارروائی نہیں کی جاسکتی‘۔
سونم نگم نے کہا تھا کہ صارف ٹوئٹر پر امیتابھ بچن جیسی شخصیات کو بھی تنقید کا نشانہ بنانے سے باز نہیں آتے۔
دوسری جانب سونم نگم دبئی سے اپنے مداحوں کے لیے آن لائن کنسرٹس منعقد کررہے ہیں تاکہ وہ کورونا وائرس کے دوران لوگوں کو محظوظ کرسکیں۔