پاک انگلینڈ ٹی ٹوئنٹی میچ دیکھنے اسٹیڈیم آنے والوں کا ردعمل

دوسرے ٹی ٹوئنٹی میچ میں انگلینڈ سے شکست پر برٹش پاکستانی فینز قومی کرکٹ ٹیم سے مایوس ہوگئے۔

میچ دیکھنے کے لیے اسٹیڈیم آنے والے شائقین نے کہا کہ بڑے اعتماد کے ساتھ میچ دیکھنے آئے تھے، فاسٹ بولنگ دیکھنے میں مزہ آیا لیکن بیٹنگ نے دل توڑ دیے۔

شائقین فخر زمان اور بابر اعظم کی کارکردگی پر بھی افسردہ دکھائی دیے۔

شائقین کا کہنا تھا کہ ابھی میچز باقی ہیں، اس لیے ٹیم سے امیدیں ختم نہیں ہوئیں، امید ہے پاکستان ٹیم اگلے میچوں میں کم بیک کرے گی۔

واضح رہے کہ گزشتہ روز پاکستان کو انگلینڈ کے ہاتھوں دوسرے ٹی ٹوئنٹی انٹرنیشنل میچ میں 23 رنز سے شکست کا سامنا کرنا پڑا تھا۔