Jago Times "Urdu Edition" Best Online Newspaper
ایپل نے آئی فون 12 سیریز کے 4 فونز پیش کردیئے ہیں اور پہلی بار کمپنی کی جانب سے اتنی ڈیوائسز متعارف کرائی گئی ہیں۔
اس سال ہر آئی فون مختلف ڈسپلے سائز اور میموری گنجائش کے ساتھ پیش کیا گیا اور قیمت کے لحاظ سے بھی متعدد آپشن دیئے گئے۔
آئی فون 12 منی میں 5.4 انچ، آئی فون 12 میں 6.1 انچ، آئی فون 12 پرو میں 6.1 انچ اور آئی فون 12 پرو میکس میں 6.7 انچ ڈسپلے دیا گیا ہے اور یہ اس کمپنی کا اب تک کا سب سے بڑا ڈسپلے والا فون ہے۔
سب آئی فونز میں 5 جی سپورٹ دی گئی ہے اور او ایل ای ڈی ڈسپلے سے لیس ہیں مگر اینڈرائیڈ فونز کے برعکس کسی میں بھی 120 ہرٹز ریفریش ریٹ نہیں دیا گیا۔
اس بار سب آئی فون اے 14 بائیونک پراسیسر سے لیس ہیں جو اس کمپنی کی پہلی 5 این ایم چپ ہے، جو پہلے کے مقابلے میں بلکہ کمپنی کے مطبق اینڈرائیڈ اسمارٹ فونز کے پراسیسرز سے 50 فیصد تیز ہے جبکہ آئی او ایس 14.2 آپریٹنگ سسٹم دیا گیا ہے جس میں کئی نئے فیچرز کا اضافہ کیا گیا ہے۔
مگر اب صارفین کو ایک بڑے دھچکے کا بھی سامنا ہوگا کیونکہ کسی بھی آئی فون کے ساتھ چارجر یا ایئرپوڈ نہیں دیا جائے گا اور صرف چارجنگ کیبل ہی فون کے ساتھ ملے گی۔
آئی فون منی
5.4 انچ ڈسپلے سے لیس یہ نیا آئی فون درحقیقت پہلا فون ہے جس کے لیے ایپل نے منی کا نام استعمال کیا ہے۔
کمپنی کا دعویٰ ہے کہ یہ دنیا کا سب سے چھوٹا، پتلا اور ہلکا ترین 5 جی فون ہے جس میں ٹچ آئی ڈی کی جگہ فیس آئی ڈی کو دی گئی ہے جبکہ بیزل کو نمایاں حد تک کم کیا گیا ہے۔
آئی فون 12 منی کا مین کیمرا 12 میگا پکسل کا ہے جس میں ایف 1.6 آپرچر موجود ہے جو کمپنی کے بقول کسی بھی آئی فون میں دیا گیا تیز ترین آپرچر ہے۔
دوسرا 12 میگا پکسل الٹرا وائیڈ کیمرا ہے، ایپل کے مطابق ڈیوائس کی کم روشنی میں فوٹوگرافی کی صلاحیت کو بہتر بنایا گیا ہے۔
آئی فون 12 میں وائرلیس چارجنگ کا فیچر بھی ہے جسے کمپنی نے میگ سیف کا نام دیا گیا ہے، جس کے لیے ڈیوائس کے بیک پر میگنیٹ دیا گیا ہے۔
آئی فون 12
آئی فون 12 میں ہموار فلیٹ ایجز سے لیس 6.1 انچ کا او ایل ای ڈی ڈسپلے دیا گیا ہے۔
یہ فون بلیک، سفید، نیلے، سرخ اور سبز رنگوں میں دستسیاب ہوگا جبکہ اس کے بیک پر ڈوئل کیمرا سیٹ اپ ہوگا۔
آئی فون 12 کا مین کیمرا 12 میگا پکسل کا ہے جس میں ایف 1.6 آپرچر موجود ہے جو کمپنی کے بقول کسی بھی آئی فون میں دیا گیا تیز ترین آپرچر ہے۔
دوسرا 12 میگا پکسل الٹرا وائیڈ کیمرا ہے، ایپل کے مطابق ڈیوائس کی کم روشنی میں فوٹوگرافی کی صلاحیت کو بہتر بنایا گیا ہے۔
آئی فون 12 اور 12 منی میں وائرلیس چارجنگ کا فیچر بھی ہے جسے کمپنی نے میگ سیف کا نام دیا گیا ہے، جس کے لیے ڈیوائس کے بیک پر میگنیٹ دیا گیا ہے۔
آئی فون 12 منی اور آئی فون 12 دونوں میں واٹر اور ڈسٹ ریزیزٹنس دی گئی ہے اور آئی 68 ریٹنگ ہے۔
ایپل نے آئی فونز میں چارجر کو ڈبے سے نکال دیا ہے جس کی وجہ ماحولیاتی تبدیلیوں کی رفتار میں کمی لانا ہے۔
آئی فون 12 منی کے 64 جی بی اسٹوریج والا ماڈل 699 ڈالرز (ایک لاکھ 14 ہزار پاکستانی روپے سے زائد) جبکہ آئی فون 12 کا 64 جی بی اسٹوریج والا ماڈل 799 ڈالرز (ایک لاکھ 30 ہزار پاکستانی روپے سے زائد) میں دستیاب ہوگا۔
یہ دونوں فونز 128 جی بی اور 256 جی بی اسٹوریج کے ورژن میں بھی دستیاب ہوں گے مگر قیمت مختلف ہوگی۔
آئی فون 12 منی اور آئی فون 12 پری آرڈر میں 16 اکتوبر جبکہ صارفین کو 23 اکتوبر سے دستیاب ہوں گے۔
آئی فون 12 پرو اور پرو میکس
آئی فون 12 پرو میں 6.1 انچ جبکہ 12 پرو میکس میں 6.7 انچ ڈسپلے دیا گیا ہے، جن میں بیک پر 3 کیمرے موجود ہیں۔
دونوں میں اسٹین لیس اسٹیل ڈیزائن دیا گیا ہے اور 2017 کے آئی فون ایکس کے بعد ایپل کی جانب سے فل اسکرین اسمارٹ فونز کے لیے نمایاں ری ڈیزائن کیا گیا۔
یہ دونوں گرے، اسٹین لیس اسٹیل، گولڈ ایک اورر نیلے بلیو رنگوں میں دستیاب ہوں گے۔
آئی فون 12 منی اور آئی فون 12 کے برعکس ان پرو ماڈلز میں خصوصی طور پر لیڈار سنسر دیا گیا ہے جو کم روشنی میں کیمروں کی کارکردگی کو بہتر بناتا ہے جبکہ کم روشنی میں آٹو فوکس 6 گنا زیادہ تیزی سے ہوتا ہے۔
اس کے علاوہ نائٹ موڈ پورٹریٹ فوٹوگرافی شاٹس کے لیے دیا گیا ہے۔
ان فلیگ شپ آئی فونز میں سرامکس شیلڈ نامی اایک نئی ٹیکنالوجی بھی دی گئی ہے جو کمپنی کے مطابق فون کے گلاس کو کسی بھی اسمارٹ فون ڈسپلے کے مقابلے میں سخت جان بنائے گی۔
حادثاتی طور پر ہاتھ سے گرنے پر بھی فون میں خراشوں کا خطرہ نہیں ہوگا۔
جیسا اوپر درج کیا جاچکا ہے کہ دونوں فونز کے بیک پر 3 کیمروں کا سیٹ اپ ہے، مگر پرو میکس میں کچھ مختلف ہے۔
آئئی فون پرو میں 12 میگا پکسل وائیڈ، 12 میگا پکسل ٹیلی فوٹو اور 12 میگا پکسل الٹرا وائیڈ کیمرے دیئے گئے ہیں۔
12 میگا پکسل وائیڈ کیمرے میں ایف 1.6 آپرچر دیا گیا ہے جو کمپنی کے مطبق کم روشنی میں 27 فیصد بہتر کارکردگی کا مظاہرہ کرتا ہے جبکہ ٹیلی فوٹو لینس 4 ایکس آپٹیکل زوم کی سہولت فراہم کرتا ہے۔
