Jago Times "Urdu Edition" Best Online Newspaper
ترک انٹیلی جنس کی شام میں کارروائی میں داعش کا سربراہ ابو حسین القریشی مارا گیا۔
ترک صدر رجب طیب اردوان نے تصدیق کرتے ہوئےکہا ہےکہ داعش رہنما کو گزشتہ روز ترک انٹیلی جنس کے ایک آپریشن کے دوران ہلاک کیا گیا۔
ان کا کہنا تھا کہ ترک انٹیلی جنس حکام کافی عرصے سے داعش رہنما کا تعاقب کر رہے تھے۔
غیر ملکی میڈیا کے مابق ترک انٹیلی جنس نے داعش رہنما کے خلاف کارروائی شام کے علاقے جندیرس میں کی، ترک انٹیلی جنس کے ایجنٹوں اور مقامی ملٹری پولیس نے جندیرس میں ایک زون کو سیل کیا،اہل علاقہ کے مطابق کارروائی میں ایک فارم کو نشانہ بنایا گیا جو ایک اسکول کے طور پر استعمال ہو رہا تھا۔
خیال رہےکہ سابق رہنما کی ہلاکت کے بعد ابوحسین القریشی کو نومبر 2022 میں داعش نے اپنا لیڈر منتخب کیا تھا۔