آسٹریلیا میں بحری مشقوں کے دوران امریکی فوجی ہلاک

ڈارون: 

آسٹریلیا میں بحری مشقوں کے دوران ایک حادثے میں 21 سالہ امریکی فوجی سینڈو پال پریرا ہلاک اور ایک اہلکار زخمی ہوگیا۔ 

بین الاقوامی خبر رساں ادارے کے مطابق آسٹریلیا کے شمالی علاقے ڈارون کی پہاڑیوں کے نزدیک معمول کی بحری مشقوں کے دوران امریکی بحریہ کا اہلکار ایک حادثے میں شدید زخمی ہوگیا جسے ہیلی کاپٹر کے ذریعے ڈارون رائل اسپتال لے جایا گیا تاہم وہ زخموں کی تاب نہ لاتے ہوئے دم توڑ دیا۔

نوجوان امریکی اہلکار کی ہلاکت کی تحقیقات جاری ہیں تاہم امریکی فوجیوں کی امدادی ادارے کے ترجمان کا کہنا ہے کہ امریکی جوان تربیت کے لیے جانے والی گاڑی میں سوار تھے کہ گاڑی الٹ گئی جس کے نتیجے میں اہلکار کی موت واقع ہوگئی جب کہ ایک اور اہلکار زخمی ہے۔

ورجینیا سے تعلق رکھنے والے لانس کورپورل سینڈووال پیریرا کو ایوی ایشن کمبیٹ الیمینٹ میں تعینات کیا گیا تھا جب کہ آسٹریلیا تعیناتی سے قبل وہ ہوائی میں امریکی بحری فورس کے 24 ویں دستے سے وابستہ تھے۔

واضح رہے کہ اس علاقے میں امریکی فوجی کی ہلاکت کا یہ پہلا واقعہ ہے جب کہ رواں ماہ کے پہلے ہفتے سے کامن ویلتھ ڈپارٹمنٹ سے تعلق رکھنے والے آسٹریلوی فوج کا اہلکار فائرنگ کی مشق کے دوران گولی لگنے کے باعث ہلاک ہوگیا تھا