اداکارہ ریما کا شادی کی سالگرہ پر شوہر کیلئے محبتوں بھرا پیغام

پاکستان فلم انڈسٹری کی ماضی کی معروف اداکارہ ریما خان نےشادی کی سالگرہ کے موقع پر شوہر کے لیے محبتوں سے بھرا پیغام جاری کیا ہے۔

سماجی رابطے کی ویب سائٹ انسٹاگرام پر ریما نے شادی کی نویں سالگرہ پر اپنے شوہر ڈاکٹر طارق شہاب کے ہمراہ تصویر شئیر کرتے ہوئے انکے لیے پیغام جاری کیا ہے۔

انسٹاگرام پر تصویر یں پوسٹ کرتے ہوئے ریما خان نے لکھا کہ ’میں آج ہماری شادی کی سالگرہ کے خوشگوار موقع پر بہت خوش ہوں، ایسا محسوس ہوتا ہے کہ جیسے کل کی ہی بات ہو‘۔

ریما خان نےمزید لکھا کہ ’مجھے ایک اچھا شوہر، ایک پیارا بیٹا اور بہت سارے اچھے دوست دینے کے لیے خدا کا شکر ہے‘۔

تصویر میں دیکھا جاسکتا ہے کہ ادکارہ محبت بھری نگاہوں سے اپنے شوہر کی طرف دیکھ رہی ہیں جبکہ اگلی تصویر سالگرہ کے کیک کی ہے جس پر لکھا ہے کہ ’شادی کی نویں سالگرہ مبارک ہو۔‘

واضح رہے کہ ریما خان نےاپنے فلمی کیریئر کا آغاز سال 1990میں کیا تھا اور اس دوران انہوں نے 200 سے زائد مقبول ترین فلموں میں کام کیا۔