سوشل میڈیا پر عائزہ کے آگے ترک اداکارہ کی خوبصورتی کے چرچے

پاکستان شوبز انڈسٹری کی معروف اور خوبرو اداکارہ عائزہ خان نےاپنے نئے پروجیکٹ کی شوٹنگ کے لیے حال ہی میں ترکی کا دورہ کیا ہے۔

ترکی کے دورے کے دوران عائزہ کی شہرہ آفاق ڈرامے ارطغرل غازی میں اداکاری کے جوہر دکھانے والی ترک اداکار ہ گلسم علی عرف ’’اصلاحان خاتون‘‘ کے ساتھ لی گئی تصاویر بھی سوشل میڈیا پر خاصی وائرل رہیں۔

کہا جارہا تھا کہ دونوں اداکارائیں معروف برانڈکے کپڑوں کی شوٹنگ کے لیے اکٹھی ہوئی ہیں۔

تاہم اب اس برانڈ کے انسٹاگرام اکاؤنٹ پر عائزہ خان اور ترک اداکارہ گلسم علی کی مختصر سی ویڈیو شیئر کی گئی ہے۔

ویڈیو منظر عام پر آتے ہی سوشل میڈیا صارفین کی جانب سے عائزہ خان کا موازنہ گلسم علی سے کیا جارہا ہے اور  صارفین عائزہ کو گلسم علی کے مقابلے کم خوبصورت اور عمر رسیدہ تصور کررہے ہیں۔

سوشل میڈیا پر زیادہ تر صارفین عائزہ خان کے مقابلے گلسم علی کی تعریف کرتے ہوئے دکھائی دے رہے ہیں، صارفین کا کہنا ہے ترک اداکارہ گلسم علی تازہ دم لگ رہی ہیں اور عائزہ خان کی عمر زیادہ لگ رہی ہے۔

ایک صارف کا کہنا تھا کہ عائزہ خان خوبصورت ہیں لیکن اس شوٹ میں وہ خوبصورت نظر نہیں آرہیں۔

ایک صارف نے عائزہ کو مشورہ دیا وہ ایک بہترین اداکارہ اور ماڈل ہیں لیکن انہیں ابھی بریک کی ضرورت ہے۔

حتیٰ کہ ایک اور صارف نے عائزہ کا موازنہ گلسم علی سے کرتے ہوئے انہیں اچھی غذا لینے کا مشورہ بھی دے ڈالا۔