سعودی حکومت نے عمرہ زائرین کو اہم ہدایت جاری کردی

سعودی وزارت حج و عمرہ نے بیرون ملک سے عمرہ کی ادائیگی کے لیے آنے والے زائرین کو متعدد چیزیں ساتھ لانے سے گریز کی ہدایت کی ہے۔

العربیہ نیوز  کے مطابق سعودی وزارت حج و عمرہ نے غیر ملکی عمرے کی ادائیگی کے لیے آنے والے زائرین کو کہا ہے کہ عمرہ کے لیے آنے والے افراد  بڑی رقم، زیورات ساتھ نہ لائیں، قیمتی پتھر اور اشیا لانے والے افراد بھی اس سے گریز کریں۔

وزارت نے مالی فراڈ سے بچنے کے لیے ضروری احتیاطی تدابیر اختیار کرنے کا بھی مشورہ دیا دیتے ہوئے خبردار کرتے ہوئے کہا کہ بینک کارڈ کی معلومات کسی کو فراہم نہ کریں۔

سعودی وزارت حج و عمرہ نے کہا کہ نامعلوم پیغامات اور لنکس کو نظر انداز کریں دھوکہ دہی کا شبہ ہو یا فراڈ ہوجائے تو فوری بینک اور مجاز حکام کو مطلع کردیں۔