اہم کھلاڑی نہیں کھیلتے تو فرق پڑتا ہے، فخر زمان

پاکستان کرکٹ ٹیم کے بیٹر فخر زمان کا کہنا ہے کہ اہم کھلاڑی نہیں کھیلتے تو فرق پڑتا ہے، ہم نے بہت غلطیاں کیں، اسٹارٹ اچھا نہیں تھا۔

لاہور میں نیوزی لینڈ کے خلاف کھیلے گئے چوتھے ٹی ٹوئنٹی میچ کے بعد پریس کانفرنس کرتے ہوئے فخر زمان نے کہا کہ ہمارا گول ورلڈ کپ ہے اس کے لیے روٹیشن پالیسی اپنائی ہے، ورلڈ کپ بھی ضروری ہے اور کمبینیشن بنانا بھی ضروری ہے۔

فخر زمان کا کہنا تھا کہ مجھے مینجمنٹ نے بتا دیا تھا کہ میں پہلے تین میچز نہیں کھیلوں گا، مجھے اور افتخار کو میچ فنش کرنا چاہیے تھا ہم نے میچ بنا دیا تھا۔

انہوں نے کہا کہ اوس سے کوئی فرق نہیں پڑا، ہار سے اعتماد میں فرق پڑتا ہے۔

فخر زمان کا کہنا تھا کہ انٹرنیشنل لیول پر کوئی بی ٹیم نہیں ہوتی سی، ڈی ٹیم بھی ٹف ٹائم دیتی ہیں۔

ان کا مزید کہنا تھا کہ عثمان خان اچھا کھلاڑی ہے وہ پرفارم کرکے آیا ہے، کوچز عثمان خان کو پلان دیتے ہیں، میں زیادہ نہیں بتاتا کہ وہ ڈبل مائنڈ نہ ہوں۔