Jago Times "Urdu Edition" Best Online Newspaper
پاکستانی ہائی کمشنر زاہد حفیظ نے آسٹریلیا کے خلاف میچ کے لیے پاکستان فین زون کے ٹکٹ حاصل کر لیے۔
آسٹریلیا میں موجود پاکستانی ہائی کمشنر نے کرکٹ آسٹریلیا کا دورہ کیا، انہوں نے فین زون کے ٹکٹ بک کیے اور کرکٹ آسٹریلیا کے حکام سے ملاقات کی۔
پاکستانی ہائی کمشنر نے آسٹریلیا کے خلاف 4 نومبر کو میلبرن میں شیڈول ون ڈے میچ کے لیے آن لائن ٹکٹ بک کیے۔
اس موقع پر زاہد حفیظ نے پاکستان کے خلاف سیریز کے لیے پاکستان فین زون بنانے پر کرکٹ آسٹریلیا کا شکریہ ادا کیا۔
انہوں نے کہا کہ پاکستان کرکٹ فینز کرکٹ سے پیار کرتے ہیں، اُمید ہے پاکستان فین زونز بھریں ہوں گے، پاکستان اور آسٹریلیا کی وائٹ بال کرکٹ میں رائیولری تاریخی ہے۔
پاکستانی ہائی کمشنر کا کہنا ہے کہ یہ فین زونز شائقین کرکٹ کو اپنی ٹیم کی کامیابی پر جشن منانے کا موقع فراہم کرتے ہیں، کرکٹ دونوں ممالک کے تعلقات کو مزید مؤثر بنانے میں اہم ثابت ہوتی ہے۔