Jago Times "Urdu Edition" Best Online Newspaper
آسٹریلیا کے سابق کپتان رکی پونٹنگ بھی پاکستان کی ٹی ٹوئنٹی ٹیم کے کپتان بابراعظم کی صلاحیتوں کے گن گانے لگے۔
2015 میں انٹرنیشنل کرکٹ کا آغاز کرنے والے بابراعظم نے بہت ہی کم عرصے میں کرکٹ کے تمام فارمیٹس میں اپنی صلاحیتوں کا لوہا منوایا اور اپنی مستقل مزاجی کی وجہ سے انہیں پاکستان کا مسٹر کنسسٹنٹ بھی کہا جانے لگا ہے۔
دائیں ہاتھ کے بلے باز بابراعظم ون ڈے میں 13 اور ٹیسٹ کرکٹ میں دو سنچریاں اسکور کر چکے ہیں اور محدود اوورز کی کرکٹ میں ان کی اوسط 50 سے زائد ہے۔
دنیا کے دیگر کھلاڑیوں کی طرح سابق آسٹریلوی کپتان رکی پونٹنگ بھی بابر اعظم کی صلاحیتوں کے معترف ہیں۔
Ricky Ponting AO✔@RickyPonting
I thought Babar was extremely impressive. Looks to have a lot of class and could well become one of the best batsmen in the world https://twitter.com/Fahaddd_1010/status/1221630652539265026 …
Fahad Ahmad@Fahaddd_1010Replying to @RickyPontingHow impressive was Babar Azam in the test series considering how badly New Zealand struggled?
اپنے دور کے اسٹائلش بلے باز رکی پونٹنگ نے سوشل میڈیا پر سوال جواب سیشن کے دوران ایک مداح کو جواب دیا کہ بابر اعظم کی پرفارمنس انہتائی متاثر کن رہی ہے، اس کی کلاس بہت زبردست ہے اور وہ دنیا کا بہترین بیٹسمین بن سکتا ہے۔