دنیا بھر میں تیزی سے پھیلنے والے کورونا وائرس سے نمٹنے کے لیے اگرچہ شوبز، اسپورٹس و فیشن شخصیات سمیت کاروبار و سیاسی شخصیات نے بھی لاکھوں روپے فنڈز فراہم کرنے کا اعلان کیا ہے۔
تاہم 15 اپریل کو کورونا وائرس سے متاثرہ افراد کے لیے فنڈ جمع کرنے کی ایک منفرد مہم ‘آل ان چیلنج’ شروع کی گئی جس کے تحت اداکار، اسپورٹس شخصیات، ٹی وی، فیشن و ماڈلنگ سمیت دیگر شعبہ جات سے منسلک افراد اپنے مداحوں کو فنڈ جمع کرانے کی پیش کش کر رہے ہیں۔
Have you ever wondered what it’s like to work with Martin Scorsese, De Niro & myself? Here’s your chance. Visit http://allinchallenge.com to take part and donate what you can.
Matthew McConaughey, @TheEllenShow, @IamJamieFoxx, will you go all in with us? #AllinChallenge
خبر رساں ادارے اے ایف پی کے مطابق امریکا کے ایک کاروباری شخص کی جانب سے آن لائن شروع کی گئی فنڈر جمع کرنے کی مہم میں اب تک لیونارڈو ڈی کیپریو، جسٹن بیبر، ایلن ڈی جینرز اور ایلکس ردریگز سمیت درجنوں معروف شخصیات شامل ہو چکی ہیں۔
گزشتہ 24 گھنٹوں کے دوران اس منفرد فنڈ جمع کرنے والے منصوبے کے تحت نہ صرف ہولی وڈ اداکار، موسیقار، فنکار، ٹی وی آرٹسٹ بلکہ اسپورٹس شخصیات بھی اپنے مداحوں کو زیادہ سے زیادہ فنڈ جمع کرنے کی ہدایات کر رہی ہیں۔
خبر رساں ادارے رائٹرز کے مطابق مذکورہ ‘آل ان چیلنج’ فنڈر جمع کرنے کی مہم کے ذریعے دراصل معروف شخصیات اپنے مداحوں کو فنڈ جمع کرانے کے بدلے مختلف خدمات کی پیش کش کر رہی ہیں۔
I’m all in. I hope you will be too. #ALLINCHALLENGE @LeoDiCaprio @JTimberlake @LauraDern
مذکورہ مہم کے درمیان کچھ اداکاروں نے مداحوں کو پیش کش کی ہے جو سب سے زیادہ چندہ جمع کروائے گا، انہیں اداکار کے ساتھ وقت گزارنے کا موقع فراہم کیا جائے گا، اسی طرح کسی نے مداحوں کو ساتھ رات کا کھانا اور کسی نے دوپہر کا کھانا ساتھ کھانے کی پیش کش کی۔
کچھ شخصیات نے مداحوں کو ایک ساتھ فلم کی شوٹنگ پر وقت گزارنے یا کسی تقریب میں ایک ساتھ شرکت کرنے یا پھر کسی میوزک فیسٹیول میں ایک ساتھ شریک ہونے کی پیش کش بھی کی۔
یہ بھی پڑھیں: کورونا وائرس: بیک اسٹریٹ بوائز کا مداحوں کے لیے آن لائن کنسرٹ
اداکارہ و ٹی وی میزبان ایلن ڈی جینرز نے مداحوں کو پیش کش کی کہ وہ سب سے زیادہ فنڈ دینے والے مداح کے ساتھ ایک ٹی وی پروگرام کریں گی۔
I’ve accepted the #ALLINCHALLENGE. Help me feed the hungry during this challenging time. Go to http://allinchallenge.com/justin-bieber to donate for a chance to have me fly to your town and sing OLLG to you. Thanks
اسی طرح لیونارڈو ڈی کیپریو اور الیکس ردریگز نے مداحوں کو پیش کش کی وہ سب سے زیادہ فنڈز دینے والے مداح کے ساتھ آئندہ سال ریلیز ہونے والی ان کی فلم کے سیٹ پر ایک دن گزارنے سمیت مداحوں کے ساتھ فلم کے پریمیئر میں شرکت کریں گے۔
مذکورہ مہم کے دوران 16 اپریل کی شام تک نصف ملین ڈالر سے زائد کی رقم جمع ہو چکی تھی اور اس فنڈ میں دنیا بھر سے کوئی بھی شخص آن لائن کم سے کم 10 ڈالر کی رقم جمع کروا سکتا ہے۔