سعودی وزارتِ صحت کی جانب سے خصوصی ہدایات جاری

حج کے حوالے سے سعودی وزارتِ صحت کی جانب سے 9 صفحات پر مشتمل خصوصی ہدایات جاری کر دی گئی ہیں۔

ہدایات کے مطابق عازمین حج کو ویکسینیشن کارڈ کے ساتھ انفرادی طور پر وزارت کے ذریعے بطور ثبوت پیش کرنا ہو گی جبکہ سعودی وزارتِ صحت کے ذریعے تسلیم اور منظور شدہ ویکسین لگوانا لازمی قرار دے دیا گیا ہے۔

سعودی وزارت صحت کا کہنا ہے کہ ویکسین کی پہلی خوراک یکم شوال 1442 کو لی گئی ہو جبکہ دوسری خوراک سعودی عرب میں داخل ہونے سے قبل 14 ویں دن لینی ہوگی۔

ہدایات کے مطابق غیر ملکی زائرین کے لئے مملکت میں داخلے کے بعد تین دن کا قرنطین لازمی ہوگا جبکہ تمام تر احتیاطی تدابیر اور ایس او پیز پر عملدرآمد کو یقینی بنانا ہوگا۔

سعودی وزارت صحت کے مطابق حج مقامات پر پہنچنے سے قبل تمام ضروری دستاویزات بشمول میڈیکل سرٹیفکیٹ مکمل کرنے ہوں گے جبکہ ویکسین سند اور دستاویز لازمی موجود ہوں اور عازمین کو کووڈ 19 کے لئے اسکریننگ کروانی ہوگی۔

اہم ہدایات کے لئے سوشل میڈیا اور ٹور ایجنسیوں کو ایس ایم ایس کے ذریعے معلومات کی فراہمی جاری رہے گی جبکہ مخصوص پوائنٹس کا بندوبست بھی کیا جائے گا، کمروں اور ہوٹلوں میں ہجوم سے اجتناب کرنا ہو گا۔

ہدایات کے مطابق ہر حجاج کو کیٹرنگ کی انفرادی سہولت مہیا کی جائے گی اور عازمینِ حج کو جراثیم سے پاک بیگ میں پیک کنکریاں مہیا کی جائیں گی۔