خفیہ شوہر نے بیوی کو قتل کرکے 20 ٹکڑے کردیئے

ایک 50 سالہ شخص جس نے اپنی بیوی کے 20 ٹکڑے کرکے بے رحمی سے قتل کردیا تھا، کویت کی فوجداری عدالت نے ملزم کے خلاف دائر قتل کے مقدمے کی سماعت کو 27 ستمبر تک ملتوی کردیا۔

بین الاقوامی خبر رساں ادارے کی رپورٹ کے مطابق ملزم پر اپنی بیوی کو بے رحمی سے قتل کرنے کا الزام ہے،جب اس نے ایک روایتی شادی (جو کہ غیر قانونی ہے) سے ہونے والے اسقاط حمل کو ضائع کرانے سے انکار کردیا تھا۔

گزشتہ روز ہونے والے عدالتی سیشن میں شہری کی دفاعی ٹیم نے جائزہ لینے، دستاویزات کی فوٹو کاپی کرنے اور دفاع کی تیاری کے لیے آخری تاریخ کی درخواست بھی کی، شہری نے اپنے اوپر لگائے گئے تمام الزامات کو مسترد کردیا۔

رپورٹ کے مطابق ملزم نے اپنا جرم اکتوبر 2022 میں رومیثیا کے علاقے میں انجام دیا، جہاں اس نے بے دردی سے اپنی بیوی کا گلا گھونٹ دیا تھا، ملزم نے ظلم کی انتہاء کرتے ہوئے مقتولہ کے جسم کے 20 ٹکڑے کئے اور مختلف علاقوں میں رکھے گئے کچروں کے ڈبوں میں پھینک دیا۔

مقتولہ کی بہن کو اس حوالے سے جب تشویش لاحق ہوئی کہ بہن سے رابطہ نہیں ہورہا ہے تو اس نے اپنی بہن کی اکتوبر 2022 سے لاپتہ ہونے کی اطلاع جہرہ پولیس اسٹیشن میں کی۔ مقتولہ کی بہن نے پولیس کو بتایا کہ اس کی بہن نے اپنے دو بچوں کی شادی تک میں شرکت تک نہیں کی۔

مقتولہ کی بہن کا پولیس کو دیئے گئے بیان میں مزید کہنا تھا کہ اس کی بہن 50 سالہ کویتی شہری کے ساتھ رشتہ میں منسلک تھی، کئی بار اپنی بہن کے نمبر پر فون کال کی لیکن موبائل بند ہونے کے باعث کوئی رابطہ نہیں ہوا، اس کے بعد اس نے حراست میں لئے گئے کویتی شہری کو کال کی لیکن اس نے اپنا نمبر بند کر دیا۔