ایڈ شیران نے بھارتی گلوکار کیساتھ پنجابی گانا گا کر محفل ہی لوٹ لی

عالمی شہرت یافتہ گلوکار ایڈ شیران نے بھارتی پنجابی گلوکار دلجیت سوسانجھ کے ساتھ لائیو کنسرٹ میں پنجابی گانا گا کر محفل ہی لوٹ لی۔

ایڈ شیران نے ممبئی میں منعقدہ کنسرٹ میں دلجیت دوسانجھ کے ساتھ مل کر ان کا پنجابی گانا ’ لور‘ گایا جسے سننے کے بعد شائقین کے ہوش ہی اڑ گئے اور سب حد محظوظ ہوئے۔

عالمی شہرت کے حامل انگلش گلوکار ایڈ شیران ان دنوں بھارت میں موجود  ہیں اور انہوں نے اس دوران کئی مشہور بھارتی شخصیات سے ملاقات بھی کی۔

شاہ رخ خان نے ان کے اعزاز میں اپنے گھر ’منت‘ میں پارٹی کا اہتمام بھی کیا اور انہیں اپنا فلمی سگنیچیر پوز بھی سکھایا ، جس کی ویڈیو کافی وائرل ہوئی۔

ایڈ شیران کے مقبول گانوں میں ‘پرفیکٹ’ ، شیپ آف یو’ اور ‘فوٹوگراف’ قابل ذکر ہیں ۔