خواتین پر مبنی فلموں کا حصہ بن کر بہت خوش ہوں، کرینہ کپور

بالی ووڈ اسٹار کرینہ کپور کی حال ہی میں ریلیز ہونے والی فلم ‘کریو’، جس میں کریتی سینن اور تبو نے بھی مرکزی کردار ادا کئے ہیں، نے باکس آفس پر شاندار کمائی کی ہے، جس نے یہ ثابت کر دیا ہے کہ اگر مواد اچھا ہے تو اداکاراؤں کے لیے ناظرین کو سینما گھروں تک لانا کوئی مشکل نہیں ہے۔

ایک خصوصی انٹرویو کے دوران، اداکارہ نے کہا کہ وہ فلم کی کامیابی اور اس حقیقت پر خوش ہیں کہ وہ ہندی سنیما کی تاریخ میں ایسی دو کامیاب فلموں کا حصہ بنی ہیں جس کی کہانی عورتوں کے گرد گھومتی ہے۔

کرینہ نے کہا میں ایک نہیں بلکہ دو انتہائی کامیاب خواتین پر مبنی فلموں کا حصہ بن کر بہت خوش اور فخر محسوس کر رہی ہوں جو دوستی، محبت اور تفریح ​​پر مبنی ہے۔

انہوں نے مزید کہا کہ، میرے کردار ہمیشہ بہت مضبوط رہے ہیں۔ میں انہیں ایک پیغام کے ساتھ منتخب کرتی ہوں جسے سامعین پسند کرتے ہیں۔ انڈسٹری میں 25 سال بعد اس مقام پر آنے کے لیے بہت مشکور ہوں۔

ان کا کہنا تھا کہ میرے کیرئیر کے اس مرحلے پر، وقت آ گیا ہے کہ میں نظریات کو تبدیل کروں اور مختلف چیزیں کروں۔