مہوش حیات کا بچوں کو بہترین تعلیم فراہم کرنے کا مطالبہ

اداکارہ مہوش حیات نے بچوں کو بہترین تعلیم فراہم کرنے کے لیے اقدامات اٹھانے کا مطالبہ کردیا۔

تفصیلات کے مطابق اداکارہ مہوش حیات نے اپنے ایک بیان میں کہا کہ بچیوں اور بچوں کو بغیر کسی تفریق کے بہترین تعلیم فراہم کرنا ہونگی۔

اداکارہ نے کہا کہ بہترین تعلیمی سہولیات ہر بچے کا حق ہے اور جو والدین اپنے بچوں کو بہترین تعلیم فراہم کرنے کی کوششوں میں مصروف ہیں وہ قابل تعریف ہیں

اپنے بیان میں اداکارہ مہوش حیات  نے یہ بھی کہا کہ والدین اپنے بچوں کی تعلیم کی خاطر ہر طرح کی قربانیاں دے رہے ہیں۔

اداکارہ مہوش حیات نے مزید کہا کہ معیاری تعیلم ہر بچے کو ملنی چاہیے، ذمہداراں تعلیمی سہولیات کے لیے اقدامات کریں۔

مہوش حیات کی ٹویٹ پر حکومت کا ایکشن

واضح رہے کہ مہوش حیات کا شمار پاکستان شوبز انڈسٹری کی ان اداکاراؤں میں ہوتا ہے جو کبھی اپنے دل کی بات کہنے میں ہچکچاتی نہیں۔

مہوش صرف شوبز ہی نہیں بلکہ اس کے علاوہ عوامی،سیاسی ،سماجی موضوعات پر بھی کھل کر گفتگو کرتی ہیں۔

یاد رہے اس سے قبل ایئرپورٹ پر خواتین کے واش رومز میں گندگی اور تعفن کے حوالے سے مہوش حیات نے ٹویٹ کیا تھا، اداکارہ  نے اپنی ٹویٹ میں بتایا تھا کہ ایئرپورٹ پر خواتین کے بیت الخلا استعمال کرنے کا اتفاق ہوا جو انتہائی گندگی اور تعفن سے بھرپور تھا یہاں تک کہ واش روم میں لال بیگ بھی دیکھے۔

مہوش نے مزید لکھاکہ ایئر پورٹ کے واش روم کا یہ حال نہ صرف لوگوں کے لیے غیر صحت مند ہے بلکہ جو لوگ بیرون ممالک سے یہاں آتے ہیں ہم انہیں یہ گندگی دکھا کر ان پر اپنے ملک کا پہلا تاثر کیا دینا چاہتے ہیں؟ بیت الخلا کی صفائی بنیادی سہولیات میں سے ایک سہولت ہے