عمران ہاشمی اور ملیکا شیراوت کے درمیان 20 سالہ جھگڑے کا اختتام، ویڈیو وائرل

بالی ووڈ اداکار عمران ہاشمی اور ملیکا شیراوت، جن کا سال 2004 کی تھرلر فلم ’مرڈر‘ کی شوٹنگ کے دوران جھگڑا ہوا تھا، اب 20 سال بعد اختتام ہوگیا ہے۔

میڈیا رپورٹس کے مطابق عمران ہاشمی اور ملیکا شیراوت دونوں ممبئی میں فلم پروڈیوسر آنند پنڈت کی بیٹی کی شادی کے ولیمے کی تقریب میں ایک دوسرے سے خوشگوار انداز میں گلے ملتے ہوئے نطر آئے۔

عمران اور ملیکا کی ملاقات، پارٹی میں ایک ساتھ تصویریں کھنچوانے اور ایک دوسرے کو گلے لگانے کی ویڈیوز سوشل میڈیا پر منظر عام پر آگئی ہیں۔

وائرل ہونے والی ویڈیوز میں دیکھا جاسکتا ہے کہ ایک ساتھ تصویریں لینے سے قبل دونوں نے کچھ دیر ایک دوسرے کے ساتھ بات چیت کی اور ایک دوسرے کو گلے بھی لگایا۔

سال 2004 میں مہیش بھٹ کی فلم ‘مرڈر’ میں عمران اور ملیکا کی کیمسٹری کو بہت سے لوگوں نے سراہا تھاجس کے بعد ان کا جھگڑا ہوگیا تھا۔

دوسری جانب سال 2021 میں مندرا بیدی کے ساتھ ان کے شو ‘دی لو لاف لائیو’ میں انٹرویو کے دوران، ملیکا نے عمران کے ساتھ اپنی لڑائی کو “بچکانہ” قرار دیا اور بتایا کہ یہ لڑائی فلم کے بعد ہوئی تھی جس کے بارے میں میں سمجھتا ہوں کہ پروموشن کے دوران یا کچھ اور ہمارے درمیان غلط فہمی ہوگئی تھی۔