سعودی عرب: آج غیر یقینی موسم کے باعث اسکول بند رکھنے کا فیصلہ

سعودی عرب میں آج غیر یقینی موسم کے باعث متعدد شہروں میں اسکول بند رکھنے کا فیصلہ کیا گیا ہے۔

سعودی محکمۂ تعلیم کے مطابق  مکہ کے علاوہ طائف، الحویہ اور محائل میں آج اسکول بند اور آن لائن پڑھائی ہوگی۔

محکمۂ موسمیات کے مطابق جدہ سمیت متعدد شہروں میں گرج چمک کے ساتھ تیز بارش کا امکان ہے۔

پیر کو مکہ مکرمہ ریجن کے علاوہ متعدد علاقوں میں موسلادھار بارش کی پیشگوئی کی گئی ہے۔

طائف میں موسلادھار بارش کی وجہ سے الہدا روڈ ٹریفک کے لیے بند کر دیا گیا، دھند اور لینڈ سلائیڈنگ کے باعث روڈ کو وقتی طور پر بند کیا گیا ہے۔