اسرائیل کی حمایت کرنے پر کویتی حکومت کا امریکی خاتون کیخلاف اہم اقدام

کویت سٹی : پرائیویٹ اسکول میں ٹیچر کے فرائض انجام دینے والی ایک امریکی خاتون کو اسرائیل کی حمایت ‏کرنے پر نوکری سے برخاست کردیا گیا۔

‏ تفصیلات کے مطابق کویت کی خصوصی تعلیم انتظامیہ نے اپنے سوشل میڈیا اکاؤنٹ پر صیہونی (یہودیوں) کے ‏ساتھ ہمدردی کرنے کے ردعمل میں نجی اسکول میں کام کرنے والی ایک نامعلوم امریکی خاتون ٹیچر کا اجازت ‏نامہ منسوخ کرنے کا فیصلہ جاری کیا ہے۔

اس حوالے سے تعلیمی ذرائع نے کا کہنا ہے کہ محکمہ خصوصی تعلیم نے تفتیشی طریقہ کار کا آغاز کیا ہے اور ‏ٹیچر کی تحقیقات اور اس واقعے سے متعلق ایک رپورٹ پیش کرنے کے لئے اسکول انتظامیہ کو ایک خط بھی ‏ارسال کیا ہے۔

ذرائع کے مطابق کہ محکمہ خصوصی تعلیم نے اپنے خط میں کہا ہے کہ تعلیمی اداروں کو سیاست میں شامل ‏ہونے سے روکنے والے ضابطے اور فیصلے خصوصی طور پر موجود ہیں اور ان پر عمل درآمد بھی بہت ‏ضروری ہے۔

‏ واضح رہے کہ اس واقعہ نے قواعد و ضوابط کو نظرانداز کرنے اور تعلیمی امور کو کسی بھی غیرمتعلقہ رائے ‏سے دور رکھنے سے متعلق فیصلوں کی خلاف ورزی کرنے پر والدین اور خصوصی تعلیم انتظامیہ کے غصے ‏کو جنم دیا جس کا تعلیم سے کوئی تعلق نہیں ہے۔ ‏

صیہونیوں کے ساتھ تعلقات معمول پر لانے اور فلسطینی عوام کے لئے کویت کا مؤقف واضح ہے اس وضاحت ‏کے ساتھ کہ جس غیر ملکی اسکول میں متعلقہ ٹیچر کام کرتی تھی اس نے ٹیچر کی نوکری ختم کرنے کا اقدام ‏اٹھایا ہے اور اس کے لئے خصوصی تعلیم کو مطلع کیا ہے۔

ذرائع کے مطابق اسپیشل ایجوکیشن ایڈمنسٹریشن نے متعلقہ استانی کو بلیک لسٹ کر دیا ہے جو اسے کویت ‏ریاست میں کسی بھی اسکول میں پڑھانے سے روکتی ہے۔