سیلینا گومز کا بیوٹی برانڈ جلد پاکستان میں متعارف ہونے کا امکان

نوجوان امریکی گلوکارہ سیلینا گومز کا میک اپ برانڈ ریئر بیوٹی جلد پاکستان میں متعارف ہونے کا امکان ہے۔

یہ آئنٹ می گلوکارہ دلچسپ خبروں کا اعلان کرنے کے لئے سوشل میڈیا پر گامزن ہوا ، جس نے برانڈ کو عالمی سطح پر جانے کے ساتھ ہی تمام مداحوں اور پیروکاروں کو الٹی گنتی کی تقریب کے لئے بلایا۔

اس دلچسپ خبر کا اعلان ‘دی آئنٹ میں’ گانے کی گلوکارہ نے اپنے سوشل میڈیا اکاؤنٹس کے ذریعے کیا۔

انہوں نے اپنی پوسٹ میں مداحوں اور فالوورز کو بتایا کہ ان کا برانڈ اب عالمی سطح پر متعارف ہونے جارہا ہے۔

اپنی پوسٹ میں سیلینا گومز نے بتایا کہ ان کا برانڈ ترکی، فرانس، اسپین، جرمنی اور مشرق وسطی میں یکم جولائی 2021 کو لانچ ہورہا ہے۔

تاہم اس فہرست میں پاکستان کا نام شامل نہیں ہے مگر پھر ایک انٹرنیٹ صارف نے سوال کیا کہ کیا یہ برانڈ پاکستانی برانڈ میں متعارف ہوگا جس پر برانڈ کی جانب سے مثبت جواب دیا گیا۔

ایک صارف نے کمنٹ کیا کہ ‘پاکستان کے بارے میں کیا خیال ہے جس پر برانڈ نے جواب دیا کہ وہاں جلد آنے کے لیے کام کررہے ہیں۔

امریکی پیٹنٹ اینڈ ٹریڈ مارک آفس کے مطابق اداکارہ اور گلوکارہ نے11 جولائی 2019 کو ‘سیلینا گومز ‘ کے لیے ایک ٹریڈ مارک کی درخواست دی تھی جس میں پرفیومز، کاسمیٹکس، اسکن کیئر، ہیئر کیئر، صابن، موسچرائزر، اسینشل آئلز اور دیگر بیوٹی پروڈکٹس شامل تھے۔

یہ برانڈ خوبصورتی، اپنی خوبیوں اور خامیوں کو قبول کرنے کی صلاحیت اور ذہنی صحت پر توجہ مرکوز کرتا ہے۔

درحقیقت ریئر بیوٹی پروڈکٹس سے ہونے والی تمام آمدن کا ایک فیصد حصہ ریئر امپیکٹ فنڈ کو جاتا ہے جو لوگوں کو ذہنی صحت سے متعلق وسائل تک رسائی دیتی ہے۔

ان سے قبل گلوکارہ ریانا نے ستمبر 2017 میں کاسمیٹک لائن فینٹی بیوٹی متعارف کروائی تھی۔