‎امریکہ کی یونیورسٹی میں پروفیسر اشفاق احمد کی کی کتاب دی پرفیکٹ ہیومن کی تقریب رونمائی کا انعقاد

رپورٹ: راجہ زاہداختر خانزادہ
‎ڈیلس : یونیورسٹی آف ٹیکساس آرلنگٹن کی مین لائبریری میں “دی پرفیکٹ ہیومن: محمد (ص)، آخری نبی اور خدا کے رسول’ نامی کتاب کی تقریب رونمائی کا انعقاد کیا گیا کتاب کی تصنیف، پاکستانی نژاد امریکی اسکالر کمپیوٹر سائنس کے شعبے میں عالمی شہرت یافتہ یونیورسٹی کے پروفیسر اشفاق احمد ہیں تقریب کی مہمان خصوصی یونیورسٹی آف ٹیکساس آرلنگٹن کی نائب صدر برائے تعلیمی امور ڈاکٹر تمارا براؤن تھیں۔
ڈاکٹر اشفاق احمد نے اس موقع پر خطاب کرتے ہوئے اپنی زندگی کا تجربہ بیان کیا اور کتاب لکھنے کی وجہ سے آگاہ کیا ۔ اس موقع پر انہوں نے قرآن کی متعدد آیات بھی پیش کیں جو امن بھائی چارے میں شمولیت اور انسانی حقوق کی مساوات کی طرف اشارہ کرتی ہیں۔ اس موقع پر حاضرین نے کثیر المذاہب اور کثیر الثقافتی ہونے کا ٹبوت دیتے ہوئے مشرق وسطیٰ اور دنیا میں امن کیلئے ایک منٹ کی خاموشی اختیار کی اور مشرق وسطیٰ اور دنیا میں امن کے قیام کے لیے دعا کیں۔ تقریب کی مہمان خصوصی یونیورسٹی آف ٹیکساس آرلنگٹن کی نائب صدر برائے تعلیمی امور ڈاکٹر تمارا براؤن تھیں۔ جنہوں نے کتاب کی تعریف کی اور اسکو مصنف کے بنیادی ڈومین سے باہر ایک علمی کامیابی قرار دیا۔ یونیورسٹی کی اعلیٰ انتظامیہ کے کئی دیگر معزز اراکین، جنہوں نے اس کتاب کو پڑھا تھا ، نے بھی خطاب کیا۔ انجینئرنگ کے ڈین ڈاکٹر پیٹر کروچ نے کہا کہ ڈاکٹر احمد نے کتاب کے ابواب ان کے ساتھ شیئر کیے تھے جب وہ اسے لکھ رہے تھے۔ انہوں نے کہا کہ اس کتاب نے پیغمبر اسلام (ص) کی زندگی کو بیان کرنے کا بہت اچھا کام کیا ہے، جو تاریخ کے عظیم مفکر، انسان دوست اور متاثر کن شخصیت تھے۔ ایسوسی ایٹ ڈینز، ڈاکٹر لین پیٹرسن اور ڈاکٹر کارٹر ٹیرنن نے کتاب کے ذریعہ بین المذاہب ہم آہنگی کے جذبے، اور تنوع، مساوات اور اسمیں شمولیت کی تعلیم میں تعاون کی تعریف کی۔ کمیونٹی رہنما، محترمہ ایلوا رائے نے خطاب کرتے ہوئے کہا کہ انہوں نے ڈاکٹر اشفاق احمد کے ساتھ معذور افراد کے لیے ٹیکنالوجیز تیار کرنے اور کمیونٹی سے متعلقہ منصوبوں پر تعاون کیا ہے۔ انہوں نے کہا کہ اس نے کتاب میں امن اور انسانیت کے لیے امید جو پیغام دیا گیا ہے وہ اس سے مثبت طور پر متاثر ہوئی ہیں۔ یونیورسٹی میں کمپیوٹر سائنس کے شعبہ کے سربراہ ڈاکٹر ہانگ جیانگ نے کہا کہ وہ حیران رہ گئے جب ڈاکٹر اشفاق نے انہیں کمپیوٹر سائنس میں اپنی معمول کی کتابوں اور تحقیقی مقالوں کی بجائے پیغمبر اسلام (ص) پر اپنی کتاب کی کاپی پیش کی۔ انھوں نے کہا کہ انھیں اس سے پہلے اسلام کے بارے میں کوئی علم نہیں تھا لیکن انھیں معلوم ہوا کہ اس کتاب میں وسیع معلومات موجود ہیں جبکہ اسکو بہت ہی اچھی طریقہ تحریر کیا گیا ہے۔
اس موقع پر ، ڈاکٹر اشفاق احمد نے بتایا کہ انکی کتاب کی بہت سے سرکردہ مسلم اسکالرز نے توثیق کی ہے اور اسے بات کو تسلیم کیا ہے کہ وہ تاریخ میں سب سے زیادہ بااثر اور سب سے زیادہ لکھی گئی شخصیت کے بارے میںان سے متعلق وسیع لٹریچر میں ایک تاریخی اضافہ ہے۔ واضع رہے کہ تقریباً 700 صفحات پر مشتمل، کتاب کا حصہ ایک جامع حقیقت پر مبنی ہے جس میں 53 ابواب شامل ہیں، جسمیں تاریخ کے لحاظ سے پیغمبر کی زندگی کو بیان کرتے کیا گیا ہے ۔ نیز، اس میں قرآن کی 500 سے زیادہ متعلقہ آیات اور دیگر مقدس صحیفوں کی 100 سے زیادہ آیات شامل کی گئی ہیں، جن کا تذکرہ تواریخ کے تناظر میں کیا گیا ہے۔ دوسرا حصہ 100 چھوٹے تحقیقی مضامین کا مجموعہ ہے جس میں نبی صلی اللہ علیہ وسلم کی 100 امتیازی انسانی صفات کو بیان کیا گیا ہے۔ حصہ اول کے صفحات کے ثبوتی حوالوں کے ساتھ بیان کردہ ہر مضمون عملی طور پر بذات خود ایک باب ہے۔ یہ بے مثال کام ہے، جس میں ڈاکٹر اشفاق احمد نے اسکو عمدہ طریقہ سے بیان کرتے ہوئے بتایا ہے کہ ہم اپنی روزمرہ زندگیوں میں پیغمبر کی مثالوں کو کیسے لاگو کرسکتے ہیں۔
تقریب کے اختتام پر سامعین نے کتاب کے بارے میں سوالات پوچھے۔ انہوں نے دریافت کیا کہ اس وسیع کتاب کو لکھنے میں کن ذرائع اور طریقے استعمال کیے گئے ہیں۔ ڈاکٹر احمد نے حوالہ جات کی سلائیڈز اور خاکے دکھا کر سوالات کے جوابات دیے، اور طریقہ کار اور طریقے بتائے کہ انہوں نے حقائق کی تصدیق کیسے کی۔ جس چیز نے سامعین کو سب سے زیادہ متوجہ کیا وہ پیغمبر محمد کی شخصیت کے بارے میں کتاب کا تجزیہ تھا، جس میں ان کی 100 انسانی صفات کے تفصیلی بیانات ہیں جو ان کی زندگی کے 1200 واقعات کی طرف اشارہ کرتی ہیں۔ ڈاکٹر احمد نے بتایا کہ کس طرح کوئی شخص عملی طور پر نبی صلی اللہ علیہ وسلم کے انسانی اوصاف کا مطالعہ کرکے اور واقعات کو بطور مثال استعمال کرکے اس سے سبق اور استفادہ حاصل کرسکتا ہے اور اس کا اطلاق اپنی زندگی میں کرسکتا ہے۔ واضع رہے کہ ڈیلس-فورٹ ورتھ میں قائم مقامی مساجد نے کتاب کے لیے زبردست تعاون کیا ہے اور تقریباً 500 کاپیاں فروخت کرنے میں مدد کی ہے۔ ٹیکساس، شکاگو، سیٹل، وینکوور، ہیوسٹن اور ملک کے دیگر علاقوں میں کتاب پر اضافی لیکچرز اور پیشکشیں جاری ہیں۔ یہ چمکدار جائزوں کے ساتھ ایمیزون پر بھی فروخت ہو رہا ہے۔ یہ کتاب پاکستان میں دی ریڈنگ بک سٹور پر بھی دستیاب ہے اور اس کا اردو ترجمہ “بشری کامل: محمد (ص) اللہ کے آخری پیغمبر” کے ساتھ شائع ہونے والا ہے۔ یہ کتاب بین المذاہب ہم آہنگی اور عالمگیر امن میں معاون ثابت ہو۔ مذکورہ تقریب میں جن اہم شخصیات نے شرکت کی اسمیں نائب صدر ڈاکٹر تمارا براؤن، ڈین آف انجینئرنگ ڈاکٹر پیٹر کراؤچ، ایسوسی ایٹ ڈین ڈاکٹر لین پیٹرسن، ایسوسی ایٹ ڈین ڈاکٹر کارٹر ٹیرنن، شعبہ کمپیوٹر سائنس کے سربراہ ڈاکٹر ہانگ جیانگ، کمیونٹی لیڈر مس ایلوا شامل سمیت کئی پروفیسرز، طلباء، عملہ، اور مرکزی یونیورسٹی لائبریری کے اراکین۔ پاکستانی ڈائس پورہ کے چنیدہ افراد شامل تھے۔