ہندوستان کی دہشتگردی بے نقاب، افغانستان سے بھارتی دہشت گرد گرفتار

ایک بار پھر ہندوستان کے خطے میں دہشت گردی پھیلانے کے ثبوت منظرعام پر آنے لگے، 29 فروری کو افغانستان کے شہر قندھار سے بھارتی دہشت گرد ثناؤل اسلام گرفتار کرلیا گیا۔

ذرائع کے مطابق ثناؤل اسلام کا تعلق کیرالہ سے ہے، وہ تاجکستان کے راستے افغانستان میں داخل ہوا، افغان ایجنسی نے ثناؤل اسلام کو آئی ایس آئی ایس سے تعلق اور رابطے کے جرم میں حراست میں لیا۔

بھارتی شہری نے تحقیقات کے دوران آئی ایس آئی ایس کے ساتھ رابطہ ہونے کے ساتھ ساتھ بھارتی افسران کے حکم پر افغانستان آنے کا بھی اعتراف کیا۔

ثناؤل کی آمد کا مقصد بھارتی افسران کے حکم پر آئی ایس آئی ایس کے نمائندوں سے ملنا تھا، 2016 میں بھی ایک بھارتی خاتون کو آئی ایس آئی ایس کیلئے کام کے جرم میں حراست میں لیا گیا تھا۔

اس کے علاوہ نومبر 2019 میں بھی آئی ایس آئی ایس کیلئے کام کرنیوالی 10 بھارتی خواتین ننگرہار سے گرفتار ہوئی تھیں۔

بھارت کی انتہاپسندی اور دہشت گردی اب خطے کے پائیدار امن کیلئے خطرہ بن چکی ہے، آخرکب عالمی برادری بھارت کو قانون کے کٹہرے میں کھڑا کریگی؟