امریکی صدر کا روس کو دوٹوک پیغام

امریکی صدر جو بائیڈن نے روسی ہم منصب ولادیمیر پیوٹن کو واضح پیغام دیتے ہوئے کہا ہے کہ یوکرین مسئلے پر ہم کسی کے سامنے نہیں جھکیں گے۔

امریکی صدر جو بائیڈن نے واشنگٹن میں اسٹیٹ آف دی یونین سے خطاب میں جہاں امریکا اور دنیا میں جمہوریت کو درپیش مسائل پر اظہار خیال کیا، صدارتی الیکشن میں اپنے حریف ڈونلڈ ٹرمپ پر برسے وہیں انہوں نے روسی ہم منصب کو بھی واضح پیغام دے ڈالا۔

بائیڈن نے کہا کہ میں پیوٹن کو واضح پیغام دیتا ہوں کہ یوکرین مسئلے پر ہم کسی کے سامنے نہیں جھکیں گے اور نہ ہی پیچھے ہٹیں گے، امریکا یوکرین کے ساتھ کھڑا ہے اور کھڑا رہے گا۔