جیکولین کے والدین نے اداکارہ کو بھارت چھوڑنے کا کہہ دیا

سری لنکا سے تعلق رکھنے والی بالی وڈ کی معروف اداکارہ جیکولین فرنینڈز نے انکشاف کیا ہے کہ ان کے والدین ان کی وجہ سے سخت پریشان ہیں۔

بھارتی میڈیا کو انٹرویو دیتے ہوئے اداکارہ نے کہا کہ بھارت میں کورونا وائرس کی دوسری لہر نے بلاشبہ تباہی مچا رکھی ہے جس کی تفصیلات خبروں کے ذریعے پوری دنیا میں دکھائی جارہی ہیں۔

اداکارہ کا کہنا تھا کہ میرے والدین شدت سے یہ چاہتے ہیں کہ بھارت چھوڑ کر بحرین ان کے پاس چلی جاؤں،کورونا کے سنگین حالات کے سبب وہ میرے لیے بہت پریشان ہیں۔

جیکولین نے کہا کہ سری لنکا میں مقیم میرے رشتے دار اور دوست احباب بھی روزانہ فون کرتے ہیں اور مطالبہ کرتے ہیں کہ اپنے ملک واپس آجاؤں۔

اداکارہ نے اطیمنان کا اظہار کرتے ہوئے کہا کہ میں یہاں مطمئن ہوں، میں جو کام کررہی ہوں اسے جاری رکھنے کا ارادہ ہے لہٰذا میں نے اس ملک کو چھوڑنے کا اب تک کوئی فیصلہ نہیں کیا ہے۔