سونیا حسین کو مداحوں نے مادھوری قرار دے دیا

ورسٹائل اداکارہ سونیا حسین کو مداحوں نے مادھوری ڈکشت سے مشابہ قرار دے دیا۔

معروف اداکارہ نے انسٹاگرام پر اپنے حالیہ فوٹوشوٹ کی تصاویر پوسٹ کیں جس میں انہیں عروسی لباس میں ملبوس دیکھا جاسکتا ہے۔

اداکارہ کی پوسٹ پر مداحوں کے تبصروں کا سلسلہ شروع ہوگیا اور متعدد صارفین نے اس خیال کا اظہار کیا کہ سونیا اس شوٹ میں بالکل بالی وڈ حسینہ مادھوری ڈکشت کی طرح لگ رہی ہیں۔

اداکارہ کو مادھوری سے مِلانے کی ایک وجہ یہ رہی کہ سونیا کا انداز اور دلکش مسکراہٹ ان تصاویر میں کافی حد تک بھارتی اداکارہ کی طرح تھی۔

تاہم کچھ صارفین نے سونیا کو پاکستانی پریانکا چوپڑا ہی کہہ دیا۔

خیال رہے اس سے قبل بھی سوشل میڈیا پر اداکارہ سونیا حسین کو پریانکا چوپڑا کی ہمشکل کہا جاتا رہا ہے۔