Jago Times "Urdu Edition" Best Online Newspaper
حریت رہنما الطاف وانی نے کہا ہے کہ کشمیری بچوں نے بھارتی فوجی دستوں کے ہاتھوں گھناؤنی زیادتیوں کو برداشت کیا۔
اقوام متحدہ کی انسانی حقوق کونسل کے 55ویں اجلاس میں مسلح تصادم کے متاثرہ بچوں پر سیکریٹری جنرل یو این کے خصوصی نمائندے کی رپورٹ پر بحث ہوئی۔
اس موقع پر حریت رہنما چیئرمین کشمیر انسٹیٹیوٹ آف انٹرنیشنل ریلیشنز الطاف حسین وانی نے خطاب کرتے ہوئے کہا کہ کشمیری بچوں کو بھارتی مسلح افواج کے ہاتھوں معذوری کا سامنا کرنا پڑا۔
الطاف حسین وانی نے کہا کہ سیکریٹری جنرل یو این کےخصوصی نمائندے کی رپورٹ دیکھنے میں بہت اچھی تھی، بھارت کو بچوں سے زیادتی کی سب سے زیادہ شرح والے ممالک سے نکلتا دیکھ کر مایوسی ہوئی۔
انہوں نے کہا کہ بھارت اب بھی کشمیری بچوں کے خلاف سنگین خلاف ورزیوں میں ملوث ہے، بھارتی فوج ایل او سی پر کھلونا بم استعمال کر کے بچوں کو ہلاک اور مفلوج کر رہی ہے۔
الطاف وانی کا کہنا تھا کہ زمین پر کوئی احتساب، انکوائری کمیشن، فیکٹ فائنڈنگ مشن اور تحقیقات نہیں۔