بی آر ایس رکن کونسل کویتا گرفتار

ممبئی: لوک سبھا انتخابات سے قبل بی آر ایس کے لئے بری خبر سامنے آگئی، ای ڈی نے چندر شیکھر راؤ کی بیٹی و ایم ایل سی کویتا کو حراست میں لے لیا۔

بین الاقوامی خبر رساں ادارے کی رپورٹ کے مطابق دہلی شراب کیس میں انہیں حراست میں لیا گیا ہے، تلاشی وارنٹ کے ساتھ دہلی سے آئے والے ای ڈی کے 10 افسران نے تقریباً 4 گھنٹے تک ان کے گھر کی مکمل تلاشی لی۔

اس دوران متعدد دستاویزات اور کویتا کے فون ضبط کر لیے گئے۔ بعد میں ای ڈی کے عہدیداروں نے کہا کہ انھیں گرفتار کیا جارہا ہے۔

معاملہ سامنے آنے پر کویتا کے گھر کے باہر بی آر ایس پارٹی کے کارکنوں کی کثیر تعداد جمع ہوگئی اور ای ڈی کی کارروائی کے خلاف احتجاج کیا۔