Jago Times "Urdu Edition" Best Online Newspaper
بھارتی ریاست گجرات میں یونیورسٹی ہاسٹل میں غیرملکی مسلم طلبا پر انتہا پسندوں نے حملہ کردیا۔
بھارتی میڈیا کے مطابق انتہا پسندوں کے حملے میں 5 طلبا زخمی ہوئے جنہیں اسپتال منتقل کردیا گیا۔
رپورٹس کے مطابق تراویح کی ادائیگی کے دوران انتہا پسندوں نے یونیورسٹی طلبا پر حملہ کیا، ہاسٹل کے کمروں میں توڑ پھوڑ اور موٹرسائیکلوں کو بھی نقصان پہنچایا گیا۔
بھارتی میڈیا کے مطابق طالب علموں کا تعلق افغانستان، سری لنکا، ترکمانستان اور افریقی ممالک سے ہے۔
حیدرآباد سے تعلق رکھنے والے رکن پارلیمنٹ اسد الدین اویسی نے واقعے کی مذمت کرتے ہوئے کہا ہے کہ کیا وزیراعظم اور وزیر داخلہ امیت شاہ اس معاملے میں مداخلت کریں گے؟