Jago Times "Urdu Edition" Best Online Newspaper
سعودی سپریم کورٹ نے مملکت میں اتوار کی شام رمضان المبارک کا چاند دیکھنے کی اپیل کی ہے۔
سعودی سپریم کورٹ کا کہنا ہے کہ جس کو رمضان کا چاند نظر آئے وہ قریب ترین عدالت میں گواہی دے، چاند دیکھنے کی گواہی کے لیے اگر عدالت تک جانا ممکن نہ ہو تو قریبی سینٹر سے ٹیلی فون پر شہادت کے بارے میں اطلاع دی جائے۔
عرب میڈیا کے مطابق ام القری کیلنڈر کے مطابق اتوار 10 مارچ کو شعبان کی 29 تاریخ ہو گی۔
علاوہ ازیں متحدہ عرب امارات میں بھی اتوار کو رمضان کا چاند دیکھنے کی اپیل کی گئی ہے۔
دوسری جانب پاکستان میں محکمہ موسمیات نے پیر کی شام کو رمضان المبارک کا چاند نظر آنے کے قوی امکانات ظاہر کیے ہیں۔